काठमाडौं, १५ बैशाख । अन्तर्राष्ट्रिय क्रिकेट परिषद (आइसीसी)ले जारी गरेको पछिल्लो एक दिवसीय क्रिकेटको वरियता सूचीमा नेपालले पहिलोपल्ट आफ्नो स्थान बनाएको छ ।

अन्तर्राष्ट्रिय क्रिकेट परिषदले पछिल्लोपल्ट अपडेट गरेको एक दिवसीय अन्तर्राष्ट्रिय क्रिकेटको श्रेणीमा नेपाल परेको हो ।
उक्त सूचीमा टेस्ट खेल्ने १२ देशहरुपछि एसोसिएट एक दिवसीय देशको अन्तर्राष्ट्रिय वरियतामा नेदरल्याण्ड, स्कटल्याण्ड, नेपाल र संयक्त अरब इमिरेट्स (युएई) रहेका छन्।

स्कटल्याण्ड र युएई जिम्बाबेमा भएको विश्वकप छनौट प्रतियोगितामा एसोसिएट रास्ट्रहरु मध्येबाट शीर्ष २ मा पर्दै स्थान बनाएका हुन् । नेपालले सोहि प्रतियोगितामा एसोसिएट रास्ट्रहरु मध्येबाट तेस्रो स्थानमा रहँदै पहिलोपल्ट एकदिवसीय अन्तर्राष्ट्रिय मान्यता पाएको हो ।

नेदरल्याण्ड भने सन् २०१५ देखि १७ सम्म संचालित विश्व क्रिकेट लिग च्याम्पियनसिपको बिजेता हुँदै उक्त मान्यता पाएको हो।

यस्तो छ एसोसिएट राष्ट्रहरुको अन्तर्राष्ट्रिय एकदिवसीय वरियता:

Men’s ODI Team Rankings

यो वरियतामा सन् २०१४ को मे ४ देखि अहिलेसम्म खेलेका निम्न खेलहरुलाई समाबेश गरिएको छस्

उक्त समयमा खेलिएका सम्पूर्ण एकदिवसीय खेलहरु जसमा अफगानिस्तान र आयरल्याण्डसँग उनिहरुले टेस्ट मान्यता पाउनुभन्दा अगाडी खेलिएका खेहरुपनि समावेश छन्। उक्त समयमा पहिला एकदिवसीय मान्यता भएका र अहिले एकदिवसीय मान्यता पाएका देशहरुसँग विश्वकप छनौटमा खेलिएका खेलहरु समाबेश छन्। वरियता उक्त समयमा खेलिएका खेलहरुको बिजयी प्रतिशत निकालेर निर्धारण गरिएको छ।

नेपालले खेलेका निम्न ४ खेलहरु जसलाई वरियतामा समाबेश गरिएको छ :

स्कटल्याण्ड बिरुद्द: नेपाल ४ विकेटले पराजित , हंगकंग बिरुद्द: नेपाल ५ विकेटले बिजयी ,
पपुवा न्युगिनी बिरुद्द: नेपाल ६ विकेटले बिजयी , नेदरल्याण्ड बिरुद्द: नेपाल ४५ रनले पराजित

अफगानिस्तानलाई टेस्ट रास्ट्र घोषणा गरिसकिएकोले बिश्वकप छनौटमा खेलिएको अफगानिस्तानसँगको खेललाई तथा जिम्बाबे पहिलेनै टेस्ट रास्ट्र भएकाले यी दुई खेलहरु समाबेश गरिएको छैन।