ढाका, २३ पुस (रासस/एएफपी) । सत्तामा आफ्नो पाँचौँ कार्यकाल प्राप्त गरेको खुशीयाली मनाउँदै गर्दा बङ्गलादेशका प्रधानमन्त्री शेख हसिनाले सोमबार मुलुकको आम निर्वाचनमा विपक्षीको आलोचनालाई ‘अवैध’ भन्दै अस्वीकार गर्नुभएको छ ।
कुनैबेला गरिबीले आक्रान्त मुलुकमा हसिनाले खतरनाक आर्थिक विकासको अध्यक्षता गर्नुभएको छ तर उहाँको सरकारमाथि ठूलो मात्रामा मानवअधिकार उल्लङ्न र असहमतिमाथि निर्मम कारवाहीको आरोप लगाइएको छ ।
“निर्वाचन स्वतन्त्र र निष्पक्ष थियो”, उहाँले आइतबार मतदान गरेपछि आफ्नो पहिलो टिप्पणीमा पत्रकारहरूसँग भन्नुभयो ।
जम्मा ४१ दशमलव आठ प्रतिशत मात्र मतदान भएको आइतबारको निर्वाचनमा विपक्षीहरूको बहिष्कारपछि उहाँको पार्टीले तीन चौथाइ सिट हासिल गरेको छ ।
सन् २०१८ मा सम्पन्न निर्वाचनमा ८० प्रतिशतभन्दा बढी मतदान भएको थियो ।
हसिना पाँचौँ पटक प्रधानमन्त्री बन्ने निश्चित
बङ्गलादेशकी प्रधानमन्त्री शेख हसिनाको दलले संसद्मा तीन चौथाइ सिट जितेको निर्वाचन अधिकारीहरूले सोमबार बताएका छन् ।
निर्वाचन आयोगका सहसचिव मोनिरुज्जमान तालुकदरले भन्नुभयो, “अवामी लीगले आइतबार सम्पन्न निर्बाचन जितेको छ । प्रधानमन्त्री हसिनाको दल आवामी लीगले २२३ सीट जितेको छ । निर्वाचनमा ६१ स्वतन्त्र उम्मेदवार विजयी भएका छन् ।”
बिजयी भएका सांसद्मध्ये अधिकांश अवामी लीगसँग आबद्ध व्यक्ति भएको केही स्थानीय सञ्चारमाध्यमहरूले जनाएका छन् ।
यो विजयपछि हसिना पाँचौ पटकका लागि पुनः देशको कार्यकारी बन्न पाउने निश्चित भएको छ ।
शेख हसिना सन् १९९६ मा पहिलो पटक प्रधानमन्त्री बन्नुभएको थियो । त्यसपछि सन् २००९, २०१४ र २०१८ मा भएका निर्बाचनमा उहाँ प्रधानमन्त्रीका रूपमा क्रमशः दोस्रो, तेस्रो र चौँथो पटक निर्वाचित हुनुभएको थियो । —
“कुनै पार्टीले निर्वाचनमा भाग लिएन भने त्यहाँ लोकतन्त्र छैन भन्ने होइन”, उहाँले भन्नुभयो, “आलोचना गर्न चाहनेले आलोचना गर्न सक्छ ।”
‘नक्कली निर्वाचन’ !
विपक्षी बङ्गलादेश नेसनलिस्ट पार्टी (बिएनपी) ले आम हडतालको आह्वान गर्यो र अन्य दर्जनौँ दलले निर्वाचन बहिष्कार गरे । बिएनपीका वरिष्ठ नेता मोइन खानले सोमबार ढाकामा पत्रकारहरूसँग निर्वाचनलाई ‘नक्कली निर्वाचन’ भन्दै सरकार ‘अवैध’ रहेको बताउनुभयो ।
निर्वाचन आयोगका सचिव मोनिरुज्जमान तालुकदारले हसिनाको पार्टीले आइतबारको निर्वाचनमा २ सय २३ सिट जितेको बताउनुभयो । यद्यपि अन्य सांसदको समर्थनमा तीन सय सिटको संसद्मा उहाँको वास्तविक नियन्त्रण अझ बढी भएको विश्लेषकहरूले बताएका छन् ।
रिक्साचालक ४२ वर्षीय मोहम्मद साहिनले भन्नुभयो, “यो स्थानीय छिमेकी वा बजार सङ्घ निर्वाचनको जस्तै देखावटी निर्वाचन थियो ।”
छयत्तर वर्षीया हसिनाले आइतबार मतदानपछि नागरिकहरूसँग लोकतान्त्रिक प्रक्रियामा विश्वास देखाउन आह्वान गर्दै बिनपीलाई ‘आतङ्कवादी सङ्गठन’ नाम दिनुभयो ।
इलिनोइस स्टेट विश्वविद्यालयका अलि रिायजले एएफपीलाई भन्नुभयो, “यो एक दलीय संसद् हो, निर्वाचनमा अवामी लिगका सहयोगीहरूलाई मात्र भाग लिने अवसर प्राप्त भएको थियो ।”
