काठमाण्डौ,१२ माघ । नेपाल पेमेन्ट सोल्युशन लिमिटेडले सर्वसाधरणलाई आफ्नो शेयर जारी गर्ने भएको छ ।
शेयर निष्काशनका लागि नेपाल पेमेन्टले लक्ष्मी सनराइज क्यापिटल (एलएस क्यापिटल ) लिमिटेडलाई धितोपत्र निष्काशन तथा बिक्री प्रबन्धकमा नियुक्त गरेको छ ।
उक्त सम्झौता—पत्रमा नेपाल पेमेन्ट सोल्युशन लिमिटेडका तर्फबाट प्रमुख कार्यकारी अधिकृत लोकराज शर्मा तथा लक्ष्मी सनराइज क्यापिटलको तर्फबाट प्रमुख कार्यकारी अधिकृत बिजयलाल श्रेष्ठले हस्ताक्षर गर्नुभयो ।
नेपाल पेमेन्टले प्रति शेयर १०० रूपैयाँ अंकित दरको ३ लाख ५ हजार ६ सय कित्ता साधारण शेयर सर्वसाधारणहरुमा निष्काशन गर्दै छ ।
नेपाल पेमेन्ट सोल्युशन लिमिटेड नेपाल राष्ट्र बैंक को भुक्तानी प्रणाली विभाग द्वारा डोमेस्टीक क्लियरिङ र सेटलमेन्टको लागि इजाजतपत्र प्राप्त स्वचालित क्लियरिङ हाउस हो ।
