काठमाडौं, २१ फागुन । नेपाली राष्ट्रिय पुरुष क्रिकेट टिम अप्रिल र मार्च महिना अन्तर्राष्ट्रिय खेलमा ब्यस्त हुने भएको छ ।

तेपाली टिमले मार्चको ९ देखि १३ सम्म हंगकंग र पपुवान्युगिनीसंग त्रिकोणीय श्रृखला खेल्ने छ ।

मार्च २४ देखि आयरल्याण्डको टोली नेपाल भ्रमणमा आउने छ । टेस्ट राष्ट्र आयरल्यान्डको ‘ए’ टोलीसँग नेपालको राष्ट्रिय टोली र ए टोलीले नेपालमा ८ खेल खेल्ने छन् । यसक्रममा टोलीले नेपालको सिनियर टोलीसँग दुई वटा टी २० खेल्नेछ । त्यसबाहेक नेपाल ‘ए’ टोलीसँग तीन तीन एकदिवसीय र टी २० खेल हुनेछन् ।

जुनमा हुने आइसीसी टि२० विश्वकपको तयारीस्वरूप यो सिरिज खेल्न लागिएको हो ।

यसलगत्तै नेपाली टोलीले ३१ मार्च देखि अप्रिल ७ सम्म भारतको गुजरात र बरोडासँग त्रिकोणात्मक सिरिज खेल्दैछ ।

उक्त सिरिज लगत्तै नेपाल एसीसी प्रिमियर कप खेल्न ओमान जानेछ ।

यस्तै क्यानले आइतबारै मार्च ९ देखि १३ सम्म हङकङ भ्रमणका लागि पनि टोली घोषणा गरिसकेको छ ।

भारतको त्रिकोणात्मक सिरिज (मार्च ३१- अप्रिल ७)

३१ मार्च – नेपाल विरुद्ध गुजरात

२ अप्रिल – नेपाल विरुद्ध बरोडा

३ अप्रिल – नपाल विरुद्ध गुजरात

५ अप्रिल – नेपाल विरुद्ध बरोडा

७ अप्रिल – फाइनल

एसीसी मेन्स प्रिमियर कप (अप्रिल १२ देखि २१ सम्म )

१२ अप्रिल – नेपाल विरुद्ध मलेसिया

१३ अप्रिल – नेपाल विरुद्ध कतार

१५ अप्रिल( नेपाल विरुद्ध हङकङ

१७ अप्रिल – नेपाल विरुद्ध साउदी अरब

१९ अप्रिल – सेमिफाइनल

२१ अप्रिल – फाइनल