विराटनगर(मोरड.), ५ मंसिर । सिद्धार्थ बैंक नेपाल प्रिमियर(एनपिएल) को टोली विराटनगर किङ्सले आफ्नो जर्सी तथा एन्थम सार्वजनिक गरेको छ ।
मंगलवार विराटनगरमा एक भव्य कार्यक्रमका बीच टोलीको जर्सी तथा एन्थम सार्वजनिक गरिएको थियो । विराटनगरका मार्की खेलाडी सन्दीप लामिछानेले टोलीको जर्सी सार्वजनिक गरेका हुन् । कार्यक्रममा फेस अफ विराटनगर रचना रिमाल तथा टोलीका ब्रान्ड एम्बासडर कुशल पोखरेलको समेत उपस्थिति रहेको थियो ।
विराटनगरका मुख्य प्रशिक्षकमा आयरल्यान्डका पूर्वक्रिकेटर केभिन ओ ब्रायनलाई रहेका छन् । विराटनगरको मार्की खेलाडीमा राष्ट्रिय क्रिकेट टोलीका पूर्वकप्तान सन्दीप लामिछाने रहेका छन् ।
विराटनगर किङ्स टोलीमा लामिछाने, लोकेश बम, प्रतिस जिसी, बसिर अहमद, राजेश पुलामी मगर, जितेन्द्रकुमार मुखिया, अनिल खरेल, दिपक बोहोरा, सुभाष भण्डारी, नरेन भट्ट, म्रिनाल गुरुङ, अकिब इल्यास, निकोलस कीर्तन, मार्टिन गप्टिल, क्रिस सोल र इस्मत आलम आबद्ध भएका छन् ।
नेपाल क्रिकेट संघ (क्यान) को आयोजनामा ८ टोलीबीच प्रतिस्पर्धा हुने एनपीएल मंसिर १५ गतेदेखि पुस ६ गतेसम्म काठमाडौंमा हुनेछ ।
विराटनगर किंग्सले उद्घाटनकै दिन जनकपुर बोल्ट्ससँग पहिलो खेल खेल्नेछ ।
