देउखुरी(दाड.), २ चैत्र । नेपाल पुलिस क्लबले प्रधानमन्त्री कप पुरुष एकदिवसीय राष्ट्रिय क्रिकेट प्रतियोगितामा मधेश प्रदेशविरुद्ध बलियो योगफल तयार गरेको छ ।
दाङको लमहीमा रहेको देउखुरी क्रिकेट रंगशालामा जारी खेलमा टस जितेर ब्याटिङ गरेको पुलिसले ४९.५ ओभरमा २ सय ८८ रनको बनाएको छ ।
पुलिसका लागि कप्तान दीपेन्द्रसिंह ऐरीले ३६ बलमा ५ चौका र ४ छक्कासहित सर्वाधिक ६३ रन जोडे । आरिफ शेखले ५४ बलमा ४ चौका र १ छक्काको सहयोगमा ५५ रन बनाए ।
पुलिस क्लबका लागि दीलिप नाथले ४५, अर्जुन साउदले ४७ , शंकर रानाले २७ र रशिद खानले १४ रनmजोडे ।
पुलिस क्लबलाई रोक्ने क्रममा मधेशका लागि अन्तिम ओभरमा २ सहित रुपेश सिंहले ४ विकेट लिए । विशाल पटेलले ३, कमल गुप्ताले २ तथा रञ्जित कुमारले १ विकेट लिए ।
हालसम्म खेलेको ३ खेलमा अपराजित रहँदै पुलिस अंक तालिकाको दोस्रो स्थानमा छ । मधेश १ मा जित र १ मा हार सहित पाँचौ स्थानमा छ ।
सिंगल राउण्डका आधारमा जारी प्रतियोगिताको शीर्ष २ टोलीले फाइनल खेल्नेछन् । पुलिस प्रधानमन्त्री कपको साविक विजेता टोली पजि हो।
