Prakash Adhikari March 30, 2025

काठमाडौं, १७ चैत्र । नेपाल क्रिकेट संगले हंगकंगमा आयोजना हुने चार राष्ट्र सम्मिलित क्वाडयड.गुलर टी २० इन्टरनेशनल सिरिजमा खेल्ने खेलाडीहरु प्रारम्भिक टोलीको घोषणा गरेको छ ।

प्रारम्भिक टोलीका २० जनलाई क्यानले प्रशिक्षणमा बोलाएको छ ।

क्यानले शनिवार नै रोहित पौडेलको कप्तानीमा २० खेलाडीलाई बन्द प्रशिक्षणमा बोलाएको हो ।

क्यानले कप्तान रोहित पौडेल, आसिफ शेख, किरण ठगुन्ना, लोकेश बम, बासिर अहमद, दीपेन्द्रसिंह ऐरी, रुपेश सिंह, ललित नारायण राजवंशी, सोमपाल कामी, करण केसी, सन्दीप जोरा, नन्दन यादव, रिजन ढकाल, गुल्शन झा, अर्जुन घर्ती, कुशल मल्ल, दीपेन्द्र रावत, कुशल भुर्तेल, शहाब आलम र विवेक यादवलाई बन्द प्रशिक्षणमा बोलाएको छ ।

नेपाली क्रिकेट स्टार सन्दीप लामिछाने शल्यक्रियाबाट रिकभर गर्दै गरेकाले र अनिल साहले चोटका कारण सिरिज गुमाउने छन् । टोलीको बन्द प्रशिक्षण आगामी बुधवारबाट रुपन्देहीको सिद्धार्थ क्रिकेट मैदानमा हुनेछ ।

हंगकंग सिरिजको खेलतालिका पनि सार्वजनिक भएको छ । खेलतालिका अनुसार सिरिज ९ अप्रिल (चैत २७गते) बाट सुरु भएर १३ अप्रिल (चैत ३१ गते)सकिनेछ ।

सिरिजको पहिलो खेलमा नेपालले कतारको सामना गर्नेछ । सिरिजमा नेपाल र कतार सहित घरेलु टोली हङकङ तथा कुवेतको सहभागिता रहनेछ ।

नेपालको खेल तालिका यसप्रकार छः

कतारविरुद्ध अप्रिल ९ (चैत २७)मा

कुवेतविरुद्ध अप्रिल १० (चैत २८) मा

हङकङविरुद्ध अप्रिल १२ (चैत ३०) मा

फाइनल र तेस्रो स्थानका लागि खेल अप्रिल १३(चैत ३१) मा

 

Share Now