काठमाडौं, १७ चैज्ञ। राजसंस्था पुनर्स्थापनाको लागि बनेको संयुक्त जनआन्दोलन समितिले अब आन्दोलन हाँक्ने जिम्मासंस्कृतिविद् डा. जगमान गुरुङलाई दिएको छ ।

संयुक्त जनआन्दोलन समितिका संयोजक नवराज सुवेदीले आइबार एक विज्ञप्ति जारी गर्दै राजसंस्था पुनर्स्थापनाको लागि संयुक्त जनआन्दोलन समितिको कार्यवाहक नेतृत्व गुरुङलाई दिएको जानकारी दिइएको जानकारी दिनुभएको हो ।

संयोजक सुवेदीले आफू नजरबन्दामा रहेको भन्दै गुरुङले आन्दोलनको नेतृत्व गर्ने उल्लेख गर्नुभएको छ। उहाँले आन्दोलन जारी राख्न यसका पक्षधरहरुलाई आह्वान समेत गर्नुभएको छ।

शुक्रबार राजावादीको आन्दोलनमा हिंसात्मक भएपछि यसको जनकमाण्डर भनिएका दुर्गा प्रसाईं भूमिगत हुनुभएको छ ।

सो आन्दोलनमा दुई जनाको ज्यानसमेत गएको थियो। प्रसाईंलाई प्रहरीले खोजी गरिरहेको छ।

रविन्द्र मिश्र र धवलसमशेरसहितलार्ई थप ५ दिन हिरासतमा राखिने

गत शुक्रबार काठमाडौंको तीनकुनेमा राजावादीहरुको प्रदर्शनको क्रममा हिस्सात्मक गतिविधि गरेको आरोपममा पक्राउ परेका ४१ जनालाइ थप पाँच दिन हिरासतमा राख्न अदालतले म्याद थप गरेको छ ।

राप्रपाका वरिष्ठ उपाध्यक्ष रवीन्द्र मिश्र र महामन्त्री धवलसमशेर जबरासहित ४१ जनालाई अनुसन्धानका लागि काठमाडौं जिल्ला अदालतले ५ दिनको म्याद थप गरिदिएको जिल्ला प्रहरी परिसर काठमाडौंका सूचना अधिकारी अपीलराज बोहोराले जानकारी दिनुभएको छ।

काठमाडौं जिल्ला प्रहरी परिसरले आइतबार मिश्र र राणासहित ११ जनाविरूद्ध राज्यविरूद्धको कसुरमा अनुसन्धान गर्न जिल्ला अदालत काठमाडौंसँग अनुमति मागेको थियो।

दुई जनाको ज्यान गएको राजावादीको आन्दोलनका क्रममा कैयौं सवारीसाधन र व्यक्तिगत घर तथा सम्पत्तिमा तोडफोड र आगजनी गरिएको थियो।