आबुधाबी(संयुक्त अरब इमिरेट्स) ,१० माघ (एजेन्सीहरु) ।। रूस, युक्रेन र अमेरिकाबीच अबुधाबीमा त्रिपक्षीय वार्ता सुरु भएको संयुक्त अरब इमिरेट्सले शुक्रबार जानकारी गराएको छ।
मस्कोले किएभलाई आफ्नो पूर्वी डोनबास क्षेत्रबाट फिर्ता गर्ने आफ्नो माग फिर्ता नलिने बताएको छ।
युक्रेनका राष्ट्रपति भोलोदिमिर जेलेन्स्कीले क्षेत्र नै मुख्य मुद्दा रहेको र वार्ताको एजेन्डामा रहने बताउनुभएको छ ।
करिब चार वर्ष लामो युद्ध अन्त्य गर्न अमेरिकी राष्ट्रपति डोनाल्ड ट्रम्पले अघि सारेको योजनामा मस्को र किएभबीच यो पहिलो प्रत्यक्ष सार्वजनिक वार्ता हो ।
युएईको विदेश मन्त्रालयले जारी गरेको विज्ञप्तिमा भनिएको छ, “वार्ता आज अबुधाबीमा सुरु भएको हो र यो वार्ता दुई दिनसम्म जारी रहनेछ ।”
डाभोसमा अमेरिकी राजदूत स्टिभ विटकोफले रुसी राष्ट्रपति भ्लादिमिर पुटिनसँग राति अबेरसम्म वार्ता गरेको र अमेरिकी राजदूत स्टिभ विटकोफबीच डाभोसमा भेटवार्ता भएको भोलिपल्ट तीन देशका उच्च टोली वार्ताका लागि भेला भएका हुन् ।
