काठमाडौं, १३ साउन । सुनसरी घटनालगायत विषयमा छलफल गर्न आज बिहान सर्वदलीय बैठक बस्दैछ ।
बैठक सत्तारुढ राष्ट्रिय स्वतन्त्र पार्टी (रास्वपा)का सभापति रवि लामिछानेले बोलाउनुभएको हो ।
सिंहदरबारस्थित लेखा समितिको बैठक कक्षमा बिहान ८ः०० बजे बस्नै बैठक संसद्मा रहेका सबै दलसहित मधेश केन्द्रित राजनीतिक दल र तिनका नेताहरु उपेन्द्र यादव, महन्थ ठाकुर र सीके राउतलाई आमन्त्रण गरिएको रास्वपाका महामन्त्री विपिनकुमार आचार्यले जानकारी दिनुभएको छ।
बैठकका लागि सबै दललाई पत्राचार गर्नुका साथै सभापति लामिछानेले नेताहरूलाई आफैँ फोन गरेर आमन्त्रण गर्नुभएको महामन्त्री आचार्यले जानकारी दिनुभएको छ।
महामन्त्री आचार्यले अत्यन्तै संवेदनशील र दुखद् घटना तथा त्यसले निम्त्याएको असहज अवस्थामा सामाजिक रूपमा फैलन सक्ने द्वेष न्यूनीकरण गरी सद्भाव र शान्ति सुरक्षा कायम गर्न प्रशासनिक प्रयास जारी रहँदा राजनीतिक रूपमा पनि सामूहिक सन्देश र अपिलको आवश्यकताबोध भएकाले छलफल आयोजना गरिएको बताउनुभएको छ।
