कोलम्बो(श्रीलंका),२२ भाद्र । एसीसी यू–१९ एसिया कप अन्तरगत समूह चरणको दोस्रो खेलमा नेपाली किशोर टीम आज टेष्ट मान्यता प्राप्त बंगलादेशको टीमसंग भिड्दैछ ।
आजको खेल प्रेमदाशा क्रिकेट मैदानमा विहान सबा १० बजेबाट सुरु हुनेछ ।
नेपालले बंगालादेशसँग आठ पटक खेलेको छ । १९९८ मा पहिलो पटक आमने सामने भएका यी दुई टिम यस अगाडि बंगलादेशमा नै द्धिपक्षीय श्रृखला खेलका थिए । नेपालले बंगलादेशलाई दुई पटक हराएको छ ।
नेपाललेसन् २००२ को विश्वकपको प्लेट च्याम्पियनसीपमा बंगलादेशलाई पराजित गरेको थियो भने अन्तिम पटक बंगलादेशलाई दुईपक्षीय श्रृखलामा उसकै मैदानमा हराएको थियो ।
दुबै खेलमा बंगलादेशलाई हराउँदा विनोद दास टिममा रहेका थिए । २००२ मा उनी खेलाडीका रुपमा थिए भने पछिल्लो पटक प्रशिक्षकका रुपमा । बंगलादेशमा हराउँदा आसिफ शेखले ९० रन बनाएका थिए ।
उपाधिको लक्ष्यसहित श्रीलंका पुगेको नेपाली युवा टिम पहिलो खेलमा श्रीलंकासँग पराजित भएपनि बंगलादेशविरुद्धको खेलमा अब्बल प्रदर्शन गर्ने लक्ष्यमा रहेको छ । नेपाल पहिलो खेलमा श्रीलंकासँग ५ विकेटले पराजित भएको थियो ।
बंगलादेशले पहिलो खेलमा युनाइटड अरब इमिरेट्सलाई ६ विकेटले पराजित गरेको थियो ।
