सानेपा(ललितपुर),२४ माघ । नेपाली कांग्रेसको आकस्मिक बैठक भोलि शुक्रबार बस्ने भएको छ ।

नेपाली कांंग्रेसका मुख्य सचिव कृष्णप्रसाद पौडेलद्धारा बिहिबार(आज) जारी विज्ञप्ति अनुसार शुक्रबार बिहान ९ बजे प्रधानमन्त्री निवास बालुवाटारमा केन्द्रीय समितिको बैठक बस्नेछ ।

राष्ट्रिय  सभाको निर्वाचन सम्पन्न भैसकेको र निर्वाचन आयोगले प्रतिनिधि सभा र राष्ट्रिय  सभाको निर्वाचनको परिणाम राष्ट्र्पति विद्यादेवी भण्डारीलाई बुझाउने तरखर गरिरहेको बेलामा हुन लागेको केन्द्रिय समितिको बैठकमा प्रतिििनधि सभामा समानुपातिक तर्फको सूचि सच्याउने सम्बन्धमा, राष्ट्र्पतिबाट मनोनित हुने ३ जना राष्ट्रिय  सभाका सदस्यहरुको मनोनयन गर्ने सम्बन्धमा र प्रदेशमा प्रमुखको जिम्मेवारी सम्हाली रहेका प्रदेश प्रमुखहरुलाई प्रदेश सरकार गठनको लागि कदम चाल्न सुझाब दिने लगायतका विषयमा छलफल हुने बताइएको छ ।

बैठकमा प्रदेश सभामा संसदीय दलका नेताको चयनका बारेमा पनि छलफल हुने बताइन्छ ।

प्रपार्टी सभापति तथा प्रधानमन्त्री शेरबहादुर देउवाले केही दिन पूर्व नेपाली कांग्रेस निकट पर्यटन व्यवसायी संघ(निट) को एक सम्मान कार्यक्रमका नेपाली कांग्रेसका अधिकांश केन्द्रीय सदस्य र भातृसंगठनका प्रमुखहरुको उपस्थितिमा निट लगायत नेपाली कांग्रेसको शुभेच्छुक संस्थाको रुपमा आबद्धता पाउन निवेदन दिने संस्थाहरुलाई अब बन्ने पहिलो बैठकबाटै मान्यता दिने बचनबद्धता व्यक्त गर्नुभएकोले सोका सम्बनधमा पनि छलफल र निर्णय हुन सक्ने बताइन्छ ।

                                                                                                                                                                                         माघ २५, २०७४
प्रेस विज्ञप्ति

नेपाली कांग्रेस केन्द्रीय कार्यसमितिको आकस्मिक बैठक २०७४ माघ २६ गते शुक्रबार विहान ९ बजे प्रधानमन्त्री निवास, बालुवाटारमा बस्ने भएको छ ।
                                                                                                                                                                                         कृष्णप्रसाद पौडेल
                                                                                                                                                                                        मुख्य सचिव