काठमाडौं, २५ माघ । नेपालमा कार्यरत व्यवस्थापकहरुको व्यवसायिक संगठन, नेपाल व्यवस्थापन संघको ३७ औ बार्षिक अधिवेशन आइतबार काठमाडौमा हुने भएको छ ।
संघले आज काठमाडौंमा पत्रकार सम्मेलन आयोजना गरि यसको जानकारी दिएको हो ।
संघका अध्यक्ष सुशील भट्टका अनुसार संघीय संरचनामा नपालको सामाजिक आर्थिक विकासको व्यवस्थापन भन्ने मूल विषयमा केन्द्रित रहेर अधिवेशन सञ्चालन गरिदैछ ।
काठमाडौंको होटल याक एण्ड यतिमा हुने अधिवेशनको कार्यक्रमलाई संघले तीन शत्रमा सञ्चालन गर्न लागेको छ ।
संघको व्यवसायिक शत्रमा पूर्व सचिव कृष्ण ज्ञवालीले संघीय संरचनामा नेपालको आर्थिक सामाजिक विकास विषयक कार्यपत्र प्रस्तुत गर्न कार्यपत्रमा र अर्थविद् जयन्द्र श्रेष्ठबाट टिप्पणी गरिनेछ । त्यसमा छलफल गरिनेछ ।
यसै शत्रमा सन २०१७ को नेपालको व्यस्थापन परिदृश्य नामक अनुसन्धानात्मक कृति माथि विवेचना गरिनेछ । व्यस्थापन संघबाट प्रकाशन हुने उक्त कृतिमा काठमाडौं विश्वविद्यालय व्यवस्थापन संकायका डिन डा. विजय के.सी. र नेपाल व्यवस्थापन संघका कार्यकारी सदस्यबाट प्रस्तुति र विवेचना हुने छ ।
यसै शत्रमा ‘नेपालमा दिगो विकासका लक्ष्यहरु : चुनौति र अवसर” शीर्षकमा राष्टसंघीय विकास कार्यक्रम र राष्ट संघीय आवासीय प्रतिनिधि भेलेरी जुलियाण्डबाट प्रस्तुति हुनेछ । यसपछि ‘संघीयतामा भारतको आर्थिक सामाजिक विकास : नपालका लागि मार्गदर्शन’ विषयमा भारतको पीएचडी च्याम्बर अफ कर्मश एण्ड इन्ड््रष्ट्र्ीका महासचिव सौरभ सन्यालको प्रस्तुति रहनेछ ।
दोस्रो शत्रमा संघको ३७ औ वार्षिक साधारण सभा हुनेछ । यसमा संघको बार्षिक गतिविधि समेटिएको प्रगति विवरण र लेखा प्रतिवेदन सहितको वार्षिक प्रतिवेदन वितरण गरिनेछ र त्यसको आधारमा आगामी बर्षको कार्यक्रम र बजेटलाई पारित गरिनेछ ।
अधिवेशनको तेस्रो शत्रमा संघले म्यानेजर अफ द इयर २०१७ र वुमेन म्यानेजर रिकग्निसन अवार्ड २०१७ का विजेतालाई सम्मानित गरिनेछ ।
यो कार्यक्रमको उद्घाटन एमालेका अध्यक्ष तथा पूर्व प्रधानमन्त्री के.पी. ओलीबाट हुनेछ भने अवार्ड वितरण र समापन शत्रको प्रमुख आतिथ्यता उपप्रधानमन्त्री विजयकुमार गच्छदारले गर्ने कार्यक्रम छ ।
वि.सं. २०३७ मा स्थापित संघ एशियाली व्यवस्थापन संस्थाका संघ(आमो)को संस्थापक सदस्य रहेको छ भने अन्य थुप्रै क्षेत्रीय संस्थाहरुको पनि सदस्य रहेको छ ।
नेपालका व्यस्थापकहरुको व्यवसायिक छाता संस्थाको रुपमा रहेको संघले मुलुकमा आवश्यक कुशल,सक्षम,दक्ष र प्रभावकारी व्यवस्थापकहरु उत्पादनका लागि इएमबीए कार्यक्रम पनि सञ्चालन गर्दै आएको छ ।
यसका अलवा यसले संस्थाका व्यवस्थापकहरुलाई आवश्यक अल्पकालीन,मध्यकालीन तालिम पनि दिने गरेको छ ।
यसले सरकारी एवम् गैरसरकारी क्षेत्रमा देखा पर्ने र आउने समस्याहरुको समाधान र व्यवस्थापनका नयाँ सिद्धान्तहरुको उपयोगका लागि सरकार र निजी क्षेत्र सबैतिर व्यवस्थापन साझेदार वा परामर्शदाताको रुपमा आफूलाई स्थापित गर्दै आएको छ ।
यसले बजेट,मौद्रिक नीति,योजना आयोगका आवधिक योजनाहरुका बारेमा सार्थक छलफल गरी सुझाव पनि दिने गरेको छ ।
