काठमाडौँ, ३१ बैशाख । पूर्वरानी कोमल शाह र उहाँकी सुपुत्री पूर्वअधिरिाजकुमारी प्रेरणा शाह कोरोनामुक्त भएर निवास फर्कनुभएको छ ।
पूर्व राजा ज्ञानेन्द्रसहित उहाँहरु दुवै जना कोरोना संक्रमण भएपछि बैशाख ७ गते नर्भिक इन्टरनेशल हस्पिटलमा भर्ना हुनुभएको थियो ।
अस्पतालले पूर्वरानी शाह र पूर्वअधिराजकुमारी प्रेरणा शाह शुक्रबार अपरान्ह ४ बजे डिस्चार्ज भएको अस्पतालले जनाएको छ।
पूर्व राजा शाह भने कोरोनामुक्त भएर दुईदिन पहिले बैशाख २९ गते नै निवास फर्किसक्नुएको थियो ।
उपचारार्थ भर्ना भएपछि पूर्व राजा र छोरीको अवस्था सामान्य भएपनि पूर्वरानीको अवस्था जटिल हुँदै गएपछि उहाँलाई आईसियूमा सारेर प्लाज्मा थेरापी विधिवाट उपचार गरिएको थियो ।
भारतमा यसै बर्ष आयोजित कुम्भ भेलाको शाही स्नानमा सहभागी हुन जानुभएका पूर्वराज दम्पत्तिलाई त्यही कोरोनाको संक्रमण परेको आशंका गरिएको थियो ।
पूर्वराजा ज्ञानेन्द्रद्धारा उपचारमा संलग्न स्वास्थ्यकर्मी,अस्पताल व्यवस्थापन र स्वास्थ्यलाभको कामना गर्नुहुने स्वदेश तथा विदेशमा रहने सबै शुभचिन्तकहरुप्रति आभार व्यक्त गर्नुभएको छ।
कोरोना वैश्विक महामारीका कारण हामी उपचारका क्रममा नर्भिक अस्पतालमा रहँदा हरदम सेवामा जुट्नुहुने डाक्टरहरू, नर्सहरू तथा हमेशा मनोबल उच्च राख्न हौसला दिनुहुने अन्य सहयोगी व्यक्तिहरू तथा देश विदेशमा रहनुभएका सम्पूर्ण शुभचिन्तकहरूमा आभार व्यक्त गर्दछौं ।
— G. Shah (ज्ञानेन्द्र शाह) (@GBBShah) May 14, 2021
