काठमाडौं, ८ चैत्र । इन्डियन प्रिमियर लिग(आईपीएल)को आउने संस्करणमा दिल्ली डेयर डेभिल्सबाट खेल्न छानिएका नेपाली बलर सन्दीप लामिछानेले प्रतियोगितामा १ नम्बरको जर्सीमा देखिने भएका छन् ।

उनलाई जर्सी दिन दिल्ली डियर डेभिल्सका प्रमुख कार्यकारी अधिकृत सहितको टोली काठमाडौं आएको थियो । बिहिबार काठमाडौँको अन्नपूर्ण होटलमा आयोजित पत्रकार सम्मेलनमाझ दिल्ली डियर डेभिल्सका प्रमुख कार्यकारी अधिकृत हेमन्त दुवा तथा राष्ट््िरय खेलकुद परिषदका सदस्य सचिव केशब विष्टले सन्दीपलाई जर्सी प्रदान गरेका हुन् ।

सन्दीपलाई दिल्लीडियरडेभिल्सले आईपीएल अक्सनमा २० लाख भारतीय रुपैयाँमा अनुबन्ध गरेको थियो।

७ अप्रिलबाट सुरु हुने आईपीएलको लागि नेपाली लेग स्पिनर सन्दीप २७ मार्चमा दिल्ली पुग्ने छन्।

गौतम गम्भीरको टिमबाट आईपीएल खेल्न उत्साहित सन्दीपले प्लेयिंग ११ मा स्थान बनाउनेमा बिश्वास ब्यक्त गरेका छन् ।

कार्यक्रममा बोल्दै दिल्ली डियर डेभिल्सका सीईओ दुवाले सन्दिपको प्रतिभा हेरेरनै उनलाई छनौट गरेको र उनलाई विगत एकबर्षदेखि नै निगरानी गर्र्दैआएको पनि बताए । उनले अक्सनमा छनौट गर्नुअघिनै दिल्लीमा सन्दीपको ट्रायल समेत लिएको जानकारी दिए ।

कार्यक्रममा यस्तै राखेप सदस्य सचिब केशव बिष्टले सन्दीपलाई बधाई र शुभकामना दिंदै नेपाली खेलाडी अन्तर्राष्ट्रियस्तरमा खेल्नुमा गर्व गर्नुपर्ने बताए।

जर्सी नम्बर १  : यस्तो रहस्

नेपाली टिमको लागि खेल्दा र अन्य प्रतियोगतामा समेत २५ नम्बरको जर्सी लगाएर खेल्ने सन्दिप लामिछाने यसपटक १ नं जसीमा देखिनेछन् । जर्सी नंंको छनोट उनी आफैको हो । उनकी एक भाञ्जीको . आकस्मिक निधन २५ गते भएकोले उनको सम्झनामा २५ नम्बरको जर्सी उनले लगाउने गर्थे।

२५ नम्बरको जर्सी दिल्ली डियर डेभिल्सबाट खेल्ने दक्षिण अफ्रिकी खेलाडी कासिगो रबाडाले पनि लगाउने भएपछि सो नम्बरको जर्सी उनले वरिष्ठ खेलाडीको सम्मान गर्दै छोडे । भाञ्जीको संझनाबाट प्रेरणा लिदै आएका दिवंगत भाञ्जीको जन्म महिना बैशाखको स्मरणमा १ नम्बर जर्सी रोजे ।उनले क्रिकेटमा नं १ खेलाडी बन्ने चाहना पनि व्यक्त गरेका छन् ।

आईपीएलमा दिल्लीले पहिलो खेल अप्रिल ८ तारिकमा किंग्स ११ पन्जाबसंग खेल्ने कार्यक्रम रहेको छ।