काठमाडौं, २ चैत्र । आन्तरिक उडानतर्फ बुद्ध एयरले बेस्ट एयरलाइन्स अफ द इयरको अवार्ड पाएको छ।
९ वटा अन्तरिक वायु सेवा कम्पनीको प्रतिस्पर्धामा बुद्धले अवार्ड पाएको हो।
ग्लोबल एक्रिडिएसन काउन्सिलले आन्तरिक तर्फ नौ वटा वायुसेवाको प्रतिस्पर्धा गराएको थियो।
अनलाइनमार्फत भोट, नोमिनेसन बोर्डले गरेको डेटा प्रशोधन र निर्णयक मण्डलको निर्णयको आधारमा बुद्धले सो अवार्ड जितेको हो।
त्यस्तै बुद्ध एयरका वीरेन्द्रबहादुर बस्नेतले नेपाली वायुसेवा कम्पनीमा सीईओ अफ द इयरको अवार्ड प्राप्त गरेका छन्।
आन्तरिक उडानमा काठमाडौं र पोखरालाई हब बनाएर बुद्ध एयरले उडान गर्दै आएको छ।
