काठमाडौं, २२ वैशाख । संघीय निजामती विधेयकमा सहमति जुटाउन सरकारले उपप्रधान तथा रक्षामन्त्रीको नेतृत्वमा सहजीकरण समिति बनाएको छ ।
उपप्रधानमन्त्री तथा रक्षामन्त्री पूर्णबहादुर खड्का संयोजक रहेको समितिमा अर्थमन्त्री प्रकाशरण महत, संघीय मामिला तथा सामान्य प्रशासनमन्त्री अमनलाल मोदी, कानुनमन्त्री धनराज गुरुङ सदस्य हुनुहुन्छ । यस्तै मुख्य सचिव शंकरदास बैरागी, संघीय मामिला सचिव कृष्णहरि पुष्कर, रक्षासचिव किरण अधिकारी र कानुन सचिव धनराज ज्ञवाली समिति सदस्य हुनुुहुन्छ ।
समितिका संयोजक खड्काले बिहीबार नै कर्मचारी संगठनका नेताहरुसँग प्रारम्भिक कुराकानी गर्नुभएको छ ।
समितिबाट सहजीकरण गर्ने समझदारी बनेपछि कर्मचारी संगठनका नेताहरुले बिहीबार नै विज्ञप्ति जारी गरी पूर्वघोषित आन्दोलन स्थगित गरेका छन् ।
