काठमाडौं, २९ आषाढ । सयुक्त राज्य अमेरिकाका दक्षिण तथा मध्य एसिया हेर्ने सहायक विदेशमन्त्री डोनाल्ड लु एक दिने नेपाल भ्रमणका क्रममा आज यहाँ आइपुग्नुभएको छ ।
उहाँले आजै प्रधानमन्त्री पुष्पकमल दाहाल ‘प्रचण्ड’ र परराष्ट्रमन्त्री एनपी साउदसँग छुट्टाछुट्टै शिष्टाचार भेटवार्ता गर्नुहुने कार्यक्रम छ ।
भ्रमणका क्रममा उहाँले दूतावासका कर्मचारीहरूलाई पनि भेट गर्नुहुने अमेरिकी दूतावासले जनाएको छ । साथै उहाँले अमेरिकन चेम्बर अफ कमर्सको एक सदस्य संस्थासँग भेटघाट गर्नुहुनेछ ।
साथै उहाँले नेपालीलाई विश्वव्यापी रूपमा प्रतिस्पर्धा गर्न सक्षम बनाउने दिशामा अनुपम सीप प्रदान गर्न उहाँहरूले गरेका प्रयासका बारेमा पनि बुझ्नुहुनेछ ।
उहाँले गत वर्ष पनि नेपालको भ्रमण गर्नुभएको थियो ।
“सहायक विदेशमन्त्री डोनाल्ड लु लाई काठमाडौँमा पुन: स्वागत छ। पुराना मित्रलाई एकैछिनका लागि भेट्दा पनि धेरै खुसी लाग्छ। हामी उहाँलाई हाम्रो AmCham को एक सदस्य संस्थासँग भेट गराउन उत्सुक छौँ, जसले नेपालीहरूलाई विश्व बजारमा प्रतिस्पर्धा गर्नको लागि अनुपम सिप प्रदान गरेको छ।… https://t.co/8epIedWNUO
— U.S. Embassy Nepal (@USEmbassyNepal) July 14, 2023
