काठमाडौं, १९ फागुन । नेपाली राष्ट्रिय फुटबल टोलीकी फरवार्ड सावित्रा भण्डारी ‘साम्बा’ ले गोल गरेको खेलमा एन अभान्ट ग्वेंगाम्पले शीर्ष डिभिजन लिगमा लिलविरुद्ध महत्त्वपूर्ण जित हासिल गरेको छ ।
नेपाली राष्ट्रिय महिला टोलीकी फरवार्ड साबित्रा भण्डारी साम्बाले खेलको ८६ औं मिनेटमा मैदान प्रवेश गर्दै इन्ज्युरी समयमा गोल गरेकी हुन् ।
इन्ज्युरी समयको पहिलो मिनेटमा विपक्षीबाट सहकर्मीले खोसेको बललाई अघि बढाउँदै साम्बाले सुन्दर गोल गरेकी थिइन ।
VIDEO: Sabitra Bhandari’s first goal for En Avant Guingamp, making her the first Nepali ever to score in a European top-flight.
Keeps breaking records and barriers. pic.twitter.com/DFN4RFJ5dP
— Sudesh (@sudeshbaniya_) March 2, 2024
त्यसअघि दोस्रो हाफको सुरुवातमा एन्टोइन स्टारोभाले पेनाल्टीमा गोल गर्दै ग्वेंगाम्पलाई अग्रता दिलाएकी थिइन् ।
यस जितले ग्वेंगाम्प अंक तालिकाको नवौं स्थानमा उक्लिएको छ ।
१६ खेलमा साम्बाको टोलीको १५ अंक पुगेको छ ।
रेलिगेसन क्षेत्रबाट अब क्लब ७ अंकले माथि पुगेको छ ।
वाफ खेलमा नेपाली राष्ट्रिय टिमलाई फाइनल पुर्याएकी साम्बा क्लबसंगको संझौता अनुरुप फाइनल खेल आरम्भ हुनुपूर्व नै फ्रान्समा फर्केकी थिइन ।
उनी वाफ खेलमा सर्वाधिक गोल गर्ने खेलाडी भइन । उनले खेल अवधिमा ९ गोल गरेकी थिइन ।
