ड्याल्लास(टेक्सास,संयुक्त राज्य अमेरिका), २२ जेठ । आईसीसी पुरुष टी २० विश्वकप २०२४ अन्तरगत आज साँझ टेक्सासको ड्याल्लासस्थित ग्राण्ड प्रेरी इन्टरनेशनल क्रिकेट मैदानमा पहिले ब्याटिड. गर्दै नेदरल्यान्डस्सामु १ सय ७ रनको सामान्य लक्ष्य प्रस्तुत गरेको छ।
टस हारेर ब्याटिड.को निम्तो पाएको नेपालले २० ओभरको निर्धारित खेलमा १९.२ ओभरमा अल आउट भयो । निर्धारित समय अगाडि भारी बर्षा भएकोले मैदान चिसो थियो र चिसो मैदानमा भिजेको बलमा नेपाली ब्याटरहरुले बललाई निर्धारित लक्ष्यमा पुर्याउन सकेनन् र अपेक्षित रन जोड्न असमर्थ रहे ।
नेपालको ब्याटिड.मा सर्वाधिक रन कप्तान रोहित पौडेलले जोडे । उनले ३५ रन जोडे । खेलमा करन के.सी.ले १७ रन,गुल्शन झाले १४, अनिल साह ११, कुशल मल्ल ९ रन, कुशल भूर्तेल ७ रन,आशिफ शेख ४ रन र दीपेन्द्रसिंह ऐरीले १ रन जोडे । सोमपाल कामी,सागर ढकाल र अविनास बोहोरा शून्य रनमा आउ ट भए ।
नेपाललाई रोक्ने क्रममा नेदरल्याण्ड्सका टिम प्रिड.गल र लगन भान विकले ३ । ३ र पौल भान मिकरन र वास डे लिडले २ । २ विकेट लिए ।
