मुम्बई(भारत), ३ माघ । सलमान खान अभिनित नयाँ फिल्म ‘टाइगर जिन्दा है’ ले बक्स अफिस कलेक्सनमा उनको पहिलेको फिल्मले बनाएको रेकर्ड तोडेको छ ।
यसले सलमान खान अभिनीत फिल्म ‘बजरंगी भाईजान’को रेकर्ड समेत तोडेको छ ।
२२ डिसेम्बरमा रिलिज भएको सलमान खान र कैटरीना कैफ स्टारर फिल्म ‘टाइगर जिन्दा हे’ले प्रदर्शनको चार हप्तामा कूल ३ सय २५ करोडको विजनेश गरेको छ ।
‘बजरंगी भाईजान’को लाइफटाइम बक्स अफिस कलेक्सन ३ सय २० करोड थियो । अब ‘टाइगर जिन्दा हे’ सलमानको सबैभन्दा बढी कलेक्सन गर्ने पहिलो फिल्म बनेको छ । ‘टाइगर जिन्दा हे’ले ३ सय २५ करोड ७१ लाख कमाउँदै ‘बजरंगी भाईजान’लाई पछाडि छाडेको हो ।
योे हप्ता सिनेमाघरमा तीन फिल्म ‘मुक्काबाज’, ‘कालाकान्डी’ र ‘१९२१’ रिलिज भएका थिए । तर, यी फिल्मले सलमानको फिल्म हेर्ने दर्शकको संख्या घटाउन सकेको छैन । निर्देशक अली अब्बाज जफरको यो फिल्मबाट करीब ५ वर्षपछि सलमान र कैटरीनाले ‘विग स्कृन’मा कमब्याक गरेका हुन् ।
अंगद बेदी, परेश रावल, अनुप्रिया, कुमुद मिश्रा, सुदीप संजीवको पनि फिल्ममा मुख्य भूमिका छ । विशाल(शेखरको संगीत रहेको फिल्मलाई आदित्य चोपडाले निर्माण गरेका हुन् ।
‘टाइगर जिन्दा हे’को तेस्रो सिक्वेलको समेत निर्माण घोषणा भइसकेको छ ।
