काठमाडौं, २४ बैशाख(एजेन्सी) । इजरायल र इटालीले विश्वव्यापी महामारीका रुपमा फैलिएको कोरोना भाइरस सक्रमणविरुद्धको खोप तयार पारेको दाबी गरेका छन् ।
हालै इजरायलका रक्षामन्त्री नेफ्टली बेनेटले कारोनाभाइरसको भ्याक्सिन तयार गरेको दावी गर्नुभएको छ ।
रक्षामन्त्री बेनेटका अनुसार इजरायल इन्टिच्यूट फर बायोलोजिकल रिसर्च (आईआईबीआर) ले भ्याक्सिन तयार गर्नमा सफलता हासिल गरेको छ । बेनेट सोमबार इन्टिच्यूट पुग्नुभएको थियो ।
https://twitter.com/AmichaiStein1/status/1257401383474597889
रक्षामन्त्री बेनेटले भन्नुभयो, आईआईबीआरका शोधकर्ताले कोरोनाको एन्टिबडी विकसित गर्ने सफलता पाएका छन् । यसले एन्टिबडी मोनोक्लोनल तवरबाट भाइरसमाथि हमला गर्दछ र त्यसलाई शरीरभित्रै मार्ने क्षमता राख्छ । भ्याक्सिन विकासको चरण अब पूरा भएको छ ।
बेनेटले थप्नुभयो, ‘एन्टिबडी फर्मूलाको पेटेन्ट गरिँदैछ । यसपछि अन्तर्राष्ट्रिय कम्पनीसँग व्यवसायिक स्तरमा यसको उत्पादनको लागि सम्पर्क गरिनेछ । यो सफलताको लागि हामीलाई इन्टिच्यूटका कर्मचारीप्रति गर्व छ ।’
तर उहाँले यो भ्याक्सिनको परीक्षण मानिसमा भयो कि भएन भनेर स्पष्ट पार्नुभएको छैन् ।
खोप बनाएको इटालीको दावी
विश्वभर महामारीको रुपमा फैलिएको कोरोना भाइरसको नियन्त्रण तथा रोकथामको लागि इटालीले खोपको विकास गरेको दावी गरेको छ ।
अरब न्यूजको एक रिपोर्ट अनुसारका अनुसार इटाली कोविड १९ खोप बनाउने विश्वको पहिलो देश बन्यो जुन मानवमा पनि प्रभावकारी छ । रोमको ुइंफेक्शियस डिजिज स्पैलनज़ानी हॉस्पिटलु मा अनुसन्धानमा आधारित परीक्षणको आधारमा उक्त रिर्पोट तयार पारिएको छ ।
कोरोना भाइरसको उक्त खोपले मुसाको शरीरमा एन्टिबडीहरू उत्पन्न गरेको दावी छ, जसले मानव कोषहरूमा पनि प्रभाव पार्दछ । “यो इटालीमा भ्याक्सिन परीक्षणको सबभन्दा एडभान्स स्टेज हो,“औषधि बनाउने फर्म, ताकिजका सीईओ लिगी ओर्सिसियोले भने।
वैज्ञानिकहरूले खोप परिक्षण गर्न मुसालाई प्रयोग गरेका थिए । एकल खोप लगाएपछि, तिनीहरूले मुसाको शरीरमा विकसित एन्टिबडीहरू अवलोकन गरे जसले मानव कोषहरूलाई असर गर्ने कोरोनो भाइरसलाई रोक्न सक्ने दावी छ ।
प्रतिवेदनका अनुसार यस अवधिमा पाँचवटा खोपको परीक्षण गरिएको थियो र ती मध्ये सबैभन्दा बढी एन्टिबडीहरू उत्पादन भएका दुई खोपलाई थप परीक्षण गरे । जुनपछि अन्वेषकहरूले दुईवटैलाई राम्रो नतिजा लिकालेका खोप चयन गरे । यी सबै खोपहरू डिएनए प्रोटिन ’स्पाइक’ को आनुवंशिक सामग्रीमा आधारित छन् ।
अनुसन्धानकर्ताहरूले भ्याक्सिनको दोस्रो प्रयोगमा अझ राम्रो परिणामहरू पाउने आशा गरेका छन्।
