काठमाडौं, १८ मंसिर । नेपाली क्रिकेटर सन्दीप लामिछाने ब्याचलर लेभलको अध्ययनको लागि राजधानीको जेभिएर इन्टरनेशल कलेजमा भर्ना भएका छन् ।
युएईमा भर्खरै सम्पन्न टि-१० लिगमा केरला नाइट्सको तर्फबाट खेलेर शनिबार नेपाल फर्किएका सन्दीप मंगलबार बिहान बौद्धस्थित जेभियर इन्टरनेसनल कलेजमा भर्ना भएका छन्।
जेभियर इन्टर(नेसनल कलेजका ब्राण्ड एम्बासडर समेत रहेका सन्दिप मानविकी संकाय अन्तर्गत सोसल वर्क बिषय अध्ययन गर्नेछन् । उनलाई कलेजले शतप्रतिशत छात्रवृति प्रदान गरेको छ।
भर्नाको समयमा उनले आफू देशभित्र रहदा कलेजको क्लासमा उपस्थित हुने बताए ।
उनले भर्खरै यूएईमा भएको टि१० लिगमा पछिल्लो ३ खेलमा हुनगएको नराम्रो प्रदर्शनका बारेमा खेल जीवनमा समय सधै एकनास नहुने र आफूले ठूला नाम चलेका बलरले पनि त्यो फर्म्याटमा संघर्ष गर्नुपरेको बताए ।
