ढाका(बंगलादेश), १ पुस । नेपाली क्रिकेट स्टार सन्दीप लामिछानेको टीम सिल्हेट सिक्सर्सले बंगलादेश प्रिमियर लिग अन्तरगतको आफ्नो चौथो खेल क्यामिल्ला भिक्टोरियनमा खेल्दैछ ।

बंगलादेशको राजधानी ढाकास्थित सिल्हेट क्रिकेट मैदानमा हुने खेलमा प्रतिस्पर्धी क्यामिल्ला भिक्टोरियन्सले टस जितेर बलिड. रोजेको छ ।

नेपाली क्रिकेट स्टार सन्दीप लामिछाने आबद्ध सिल्हेट सिक्सर्सको नेतृत्व अष्टेलियन खेलाडी डेभिड वार्नरले गर्दैछन भने कोमिल्ला भिक्टोरियन्सको नेतृत्व इमरुल कायसले गर्दैछन् ।

सिल्हेट र क्यामिल्लाको यो दोश्रो भिडन्त हो।

लिगको अंकतालिकामा सिल्हेटले ३ खेलमा १ जित र २ वटा हार बेहोर्दै छैठौं स्थानमा रहेको छ। तालिकामा चौथो स्थानमा रहेको कोमिल्लाले ४ खेल खेल्दा २ । २ हाररजित बेहोरेको छ।

सिल्हेटले प्रतियोगिता अन्तर्गत पहिलो खेलमा कोमिल्लासंग ४ विकेटको हार बेहोरेको थियो। त्यस क्रममा पहिले ब्याटिंग गर्दै सिल्हेटले दिएको १२८ रनको लक्ष्य कोमिल्लाले ६ विकेट गुमाएर पुरा गरेको थियो। यस्तै दोश्रो खेलमा सिल्हेटले चिट्टागोङ्ग भाईकिङ्ग्सलाई ५ रनले पराजित गरेको थियो भने तेश्रो खेलमा ढाका डाईनामाइट्ससंग ३२ रनले पराजित हुन पुगेको थियो।

कोमिल्लाले सिल्हेटलाई पहिलो खेलमा पराजित गरेपछि रंगपुरसंग ९ विकेटको हार बेहोरेको थियो। त्यसपछि तेश्रो खेलमा राजशाही किंग्सलाई ५ विकेटले पराजित गरेको कोमिल्लाले छिट्टगोङ्गसंग चौथो खेलमा ४ विकेटले पराजित भएको थियो।

नेपाली क्रिकेट स्टार सन्दीपले पहिलो खेलमा २ विकेट लिए पनि त्यस यताका दुई खेलमा लगातार विकेटविहिन भएका छन् ।

आजको खेलको अन्तिम ११ मा सिल्हेटका डेभिड बार्नरले सन्दीपलाई पारेका छैनन् ।

खेल नेपाली समय अनुसार ६ :३० मा आरम्भ हुँदैछ ।

Comilla Victorians: Anamul Haque (wk), 2 Tamim Iqbal, 3 Imrul Kayes (capt), 4 Thisara Perera, 5 Shamsur Rahman, 6 Shahid Afridi, 7 Liam Dawson, 8 Wahab Riaz, 9 Mohammad Saifuddin, 10 Mahedi Hasan, 11 Ziaur Rahman

Sylhet Sixers: 1 David Warner (capt) 2 Liton Das (wk) 3 Afif Hossain 4 Andre Fletcher 5 Sabbir Rahman 6 Nicholas Pooran 7 Alok Kapali 8 Sohail Tanvir 9 Taskin Ahmed 10 Nabil Samad Chowdhury 11 Al-Amin Hossain