विराटनगर(मोरड.), ३ चैत । नेपालमा भैरहेको साफ महिला च्याम्पियनसिप फुटबलको बुधबार हुने सेमिफाइनल खेलमा नेपाली टोलीले श्रीलंकासंग र भारतीय टोलीले बंगलादेशसंग प्रतिस्पर्धा गर्ने भएको छ ।
नेपाल समूह ‘ए’को विजेता बन्दै सेमिफाइनलमा प्रवेश गरेको छ । उपविजेता बन्दै बंगलादेश पनि सेमिफाइनलमा प्रवेश गरेको छ । ६ टीम सम्मिलित खेलमा समूह ‘ए’ बाट भुटान बाहिरिएको छ ।
त्यस्तै समूह ‘बी’ बाट भारत र श्रीलंका सेमिफाइनलमा प्रवेश गरेका छन् ।
आइतबारको भारत र श्रीलंकाबीचको खेल नतिजाले समूह बी को विजेता र उपविजेताको टुँगो लाग्नेछ ।
समूह ए बाट दुई खेलमा पराजित भएको भुटान बाहिरिएको छ भने समूह ‘बी’ बाट लगातार दुई खेलमा पराजित माल्दिभ्स पनि प्रतियोगिताबाट बाहिरिएको छ ।
साफ महिला च्याम्पियनसीपको सेमिफाइनलका दुवै खेल बुधबार हुनेछन
बुधबारको सेमिफाइनलका विजेताबीच फाइनल खेल शुक्रबारको लागि निर्धारित गरिएको छ ।
