दुबाई(यूएई),२० बैशाख(एजेन्सी) । अन्तर्राष्ट्रिय क्रिकेट परिषद् (आईसीसी)को टी–२० बरियता क्रममा नेपालले छलाङ मारेको छ ।

आयरल्यान्ड र जिम्बाबे जस्ता टेष्ट राष्ट्रलाई पछि पार्दै नेपाल बरियताको ११औं स्थानमा उक्लिएको हो ।

आईसीसीले शुक्रबार सार्वजनिक गरेको बरियतामा नेपालले तीन स्थान सुधार गरेको छ ।

यसअघि नेपाल १४औं स्थानमा थियो ।

नेपालपछि स्कटल्यान्ड १२ औं जिम्बाबे १३ औं, आयरल्यान्ड १५ औं र यूएई १६ औं स्थानमा छन् ।

नयाँ बरियताअनुसार पाकिस्तान पहिलो, दक्षिण अफ्रिका दोस्रो र इङ्ल्यान्ड तेस्रो स्थानमा छन् ।

यसैगरी अष्ट्रेलिया चौथो र भारत पाँचौ, न्युजिल्यान्ड छैटौं, अफगानिस्तान सातौं, श्रीलंका आठौं, वेस्ट इन्डिज नवौं र बंगलादेश १०औं स्थानमा रहेका छन् ।