लुधियाना(पञ्जाब,भारत),६ जेठ । नेपाली राष्ट्रिय महिला फुटबल टोलीकी फरवार्ड साबित्रा भण्डारीले चार गोल प्रहार गरेर आफूआबद्ध सेथु फुटबल क्लबलाई फाइनलमा प्रवेश गराएकी छन् ।
सोमबार गुरु नानक स्टेडियममा भएको दोस्रो सेमिफाइनलमा सेथुले एसएसबी सेन्ट्रललाई ८–१ को भारी अन्तरले हराउँदै फाइनल स्थान सुरक्षित गरेको हो।
सेथुको जितमा साबित्राको चार गोल बाहेक दांगमी ग्रेसले ह्याट्रिक गरिन भने रतनबाला देवीले थप एक गोल थपिन ।
फाइनलमा सेथुले अब मणिपुर पुलिस फुटबल क्लबसँग खेल्नेछ । मणिपुरले पहिलो सेमिफाइनलमा गोकुलम केरला एफसीलाई हराउँदै यसअघि नै फाइनल स्थान सुरक्षित गरिसकेको छ ।
