काठमाडौं,२४ पौष । नेपाली कथानक चलचित्र ‘इन्काउन्टर’को गीत ‘बारूली बारूली’ सार्वजनिक गरिएको छ ।
काठमाडौंको अनामनगरस्थित पाना क्याफेमा बिहीबार आयोजित एक कार्यक्रममा आइटम गीत बारूली बारूली सार्वजनिक गरिएको हो ।
गीत ओएसआर डिजिटलबाट वल्र्डवाइड रिलिज गरिएको छ ।
कार्यक्रममा फिल्मका कार्यकारी निर्माता कुमारप्रसाद ओझाले फिल्म इन्काउन्टर नेपाली चलचित्र क्षेत्रका लागि नयाँ प्रयोग हुने बताउँदै नवीनतम् सन्देश र संकल्पसहितको फिल्म निर्माणमा आफ्नो टिम लागेको दाबी गर्नुभयो ।
‘आमा फिल्मपछि नेपाली चलचित्र उद्योगमा कयौं फिल्म बने, हजारौं कथाहरू लेखिए, तर पृथक फिल्म निर्माण गर्न नसकेको आरोपबाट इन्डस्ट्री मुक्त भएन,’ ओझाले भन्नुभयो, ‘त्यही गुनासो सम्बोधन गर्नकै लागि हामीले इन्काउन्टर फिल्म निर्माण गरेका हौं ।’
आइटम गीतमा सूर्यकमल राईको संगीत रहेको छ भने शब्द लेखन नारायण नेपालको रहेको छ ।
कार्यक्रममा पत्रकार ऋषि धमला र अधिवक्ता स्वागत नेपालले फिल्म ‘इन्काउन्टर’को सफलताका लागि शुभकामना व्यक्त गर्नुभएको थियो ।
र्यक्रममा कलाकार विपना बस्नेत, सहनिर्माता दिनेश खड्का, कलाकार राजन गुरुङ लगायतले फिल्मका विविध पक्षको जानकारी दिनुभएको थियो ।
बारुली बारुली गीतमा मीना निरौलाको स्वर रहेको छ ।
फिल्मको लेखन तथा निर्देशन नरेन्द्र भट्टराई (एनबी अञ्जान) ले गर्नुभएको हो । चलचित्रमा सहनिर्माता कविभक्त क्षेत्री र देवराज प्रसाई रहनुभएको छ ।
