पोखरा(कास्की),१३ माघ । पोखरामा जारी १६ औ आहा १ रारा गोल्ड कपको शनिवार भएको पहिलो क्वाटर फाइनल खेलमा बंगलादेशको उत्तर बरिधारा फुटबल क्लबले सुदूर पश्चिम ११ खेल क्लब धनगढीलाई २ -१ ले पराजित गरेको छ ।
बंगलादेशको बरिधारा क्लब टीमका तर्फबाट मिदो मासाले ७४ औं मिनेट र सायलाले ८३ मिनेटमा एक एक गोल गरेका थिए ।
सुदूर पश्चिमका तर्फबाट विनोद केसीले ८७ औं मिनेटमा १ गोल गरेका थिए ।
सुदूर पश्चिमले पाएको स्पट किकलाई धिरज गुरुड.ले ७८ औं मिनेटमा खेर फालेपछि सुदूर पश्चिमको विजयको आधार कमजोर बनेको थियो ।
फिफाका बरिष्ठ उप रेफ्री रहेका सुदीस पाण्डेले बरिधाराका दुई खेलाडीलाई रेड कार्ड दिएका थिए ।
फिफा रेफ्री श्रवण लामा बाहिरिएपछि उनले सो जिम्मेवारी लिएका थिए ।
दुर्वाच्य बोलेकोमा वरिधाराका काँडेले दुईपटक पहेलो कार्ड पाएका थिए भने गोलकर्ता सायला पनि रेफ्रीसंग जुधेपछि बाहिर निकालिएका थिए ।
आइतबार हुने दोस्रो क्वाटर फाइनल खेल नेपाल आर्मी र धरान फुटबल क्लवका बीच हुनेछ ।
सहारा क्लब पोखराकोअ आयोजनामा भैरहेको १६ औं आहा ! रारा गोल्डकप फुटबल प्रतियोगिताको विजेताले कप र सम्मानपत्र सहित ७ लाख रुपैया नगद प्राप्त गर्नेछ ।
