काठमाडौं, ९ कार्तिक । नेपाल पर्वतारोहण संघका महासचिव तथा पर्यटन व्यवसायी कुलबहादुर गुरुड. विश्व पर्वतारोहण महासंघको व्यवस्थापन समितिको सदस्यमा निर्वाचित हुनुभएको छ ।
यही कार्ति ७ र ८( नोभेम्बर २३ र २४)मा भर्चुअल माध्यमबाट भएको संस्थाको वार्षिक साधारण सभा तथा नयाँ कार्यसमितिको निर्वाचनमा उहाँ व्यवस्थापन समितिको सदस्यमा निर्वाचित हुनुभएको हो ।
सन १९३२ मा स्थापित यो संस्था विश्वमा पर्वतारोहण गतिविधि सञ्चालन गर्ने राष्ट्रिय संस्थाहरुको छाता संगठनको रुपमा रहेको छ ।
https://www.theuiaa.org/uiaa/peter-muir-elected-as-uiaa-president/
साधारण सभाले क्यानडाका अल्पाइन क्लबका पिटर मुयरलाई महासंघको १४ औं अध्यक्षको रुपमा निर्वाचित गरेको छ । उहाँले यसपूर्वका अध्यक्ष प्रिट्ज भ्रिज्लान्दत्लाई विस्थापित गर्नुभएको छ । रोयल डच क्लाइम्बिड. एण्ड माउन्टियरिड. क्लव नेदरल्याण्ड्सका भ्रिज्लान्दत्को दोस्रो कार्यकाल यही साधारण सभासम्म रहेको थियो ।
मुयरको कार्यकारिणी समितिमा यसै साधारण सभाबाट निर्वाचित भारतका अमित चौधरी, अर्जेन्टिनाका मार्टिन लास्कानो,स्वीजरल्याण्डका फ्रान्सिस जाक्वेट र सन २०१९ मा निर्वाचित इरानका मोहम्मद हासेमी, बेल्जियमका लोधे बेकर, मंगोलियाका जोल्जाग्रल बञ्जरागच रहनुभएको छ भने व्यवस्थापन समितिमा बेलायतका अन्ने अरन (युरोपेली महाद्धीपको प्रतिनिधित्व), नेपालका कुलबहादुर गुरुड., बेलायतका स्टिभ लड.(साधारण प्रतिनिधित्व),दक्षिण अफ्रिकाका ग्रेग मोश्ले(महाद्धीपीय प्रतिनिधित्व), संयुक्त राज्य अमेरिकाका फिल पावर(महाद्धीपीय प्रतिनिधित्व) र नर्वेका स्ट्रेन ट्रोनस्टाड रहनुभएको छ ।
नेपाल पर्वतारोहण संघले यो विश्व प्रतिष्ठित संस्थामा दोस्रो पटक निर्वाचित हुुने मौका पाएको हो । यस पहिले संघका पूर्व अध्यक्ष जिम्बा जाड.बू शेर्पा व्यवस्थापन समितिमा निर्वाचित हुनुभएको थियो ।
४ वर्षको कार्यकाल रहने यो व्यवस्थापन समितिमा रहेर पर्वतीय पर्यटनको प्रर्बद्धन, पर्वतीय बासिन्दाको जीविको पार्जनड, पर्वतीय वातावरण संरक्षण, जलवायु परिवर्तनबाट पर्वतीय क्षेत्रमा परेका असरको न्यूनीकरणको लागि विश्व समुदायको ध्यानाकर्षण गराउने मौका संघका महासचिव गुरुड.ले पाउनुभएको छ ।
विश्व पर्वतारोहण महासंघको यस साधारण सभाले चारवटा नयाँ संस्थालाई सदस्यता दिने निर्णय पनि पारित गरेको छ । महासंघले आफ्नो प्रेस विज्ञप्तिमा जनाए अनुसार मेक्सिकोको र साउदी अरेबियाका पर्वतारोहण संघहरुलाई पूर्ण सदस्यता दिइएको छ भने अजरबैजानको माउण्टेन क्लब अफ वेष्टर्न क्यास्पियन युनिभर्सिटीलाई एशोसियट्स र इन्टरनेशनल कमिशसन फर अल्पाइन रेस्क्यूलाई पर्यवेक्षक सदस्यता दिइएको छ ।
त्यस्तै यस अगाडि पर्यवेक्षक सदस्य रहेको कोस्टारिका फेडेरेसन अफ माउण्टेन स्पोर्टस् र नेशनल एडभेञ्चर्स एशोसियसन अफ मलेशियालाई पूर्ण सदस्यता दिने निर्णय भएको छ भने ब्रिटिस माउण्टेयरिड. काउन्सिलको मनोनयनमा प्रख्यात पर्वतारोही डग स्कटलाई मानार्थ सदस्यता दिने निर्णय पनि साधारण सभाले गरेको छ ।
विश्व पर्वतारोहण महासंघको साधारण सभाले अर्को बार्षिक साधरण सभा सन २०२१ को २३ अक्टोबरमा टर्कीको ट्राबजोनमा गर्ने निर्णय पनि गरेको छ ।
