बालकोट(भक्तपुर), १८ माघ । नेकपा (एमाले) र नेकपा (माओवादी केन्द्र) बीच एकता गर्न गठित पार्टी एकता संयोजन समितिको बैठकले राष्ट्रिय सभा निर्वाचन र प्रदेश सरकार गठनसम्बन्धि गठित संयुक्त कार्यदलको बैठकलाई अनुमोदन गरेको छ ।
नेकपा एमालेका अध्यक्ष केपी शर्मा ओलीको निवास बालकोटमा बसेको समितिको बैठकले सो अनुमोदन गरेको हो ।
बैठकमा एमाले अध्यक्ष ओली र माओवादी केन्द्रका अध्यक्ष प्रचण्डले पार्टी एकताबारे भइरहेको प्रगतिबारे बैठकलाई ब्रिफिङ गरेका थिए ।
बैठकमा अध्यक्षद्वयले एकता प्रक्रिया सकारात्मक दिशामा अघि बढेको र केही दिनमा निष्कर्षमा पु¥याइने बैठकलाई जानकारी गराएको उनीहरुका सहयोगीहरुले बताएका छन् ।
बैठकले शीर्ष नेताले प्रदेश सरकार र संसदबारे कार्यदलले तयार पारेको प्रस्तावलाई अनुमोदन गरेको छ । बैठकमा पार्टी एकता संयोजन समितिका नेताहरु र कार्यदलका सदस्यहरु सहभागी थिए ।
