काठमाडौं, १५ पौष । पूर्वराजा ज्ञानेन्द्र शाहले प्रधानमन्त्री के.पी. ओली र उहाँको नेतृत्वको सरकार तथा टुटेफुटेको पार्टीमाथि दरबार हत्याकाण्डको छानविन गर्न चुनौती दिनुभएको छ ।
स्वर्गीय राजा वीरेन्द्रबीरविक्रम शाहजन्मजयन्तीका अवसरमा मंगलबार बेलुका ट्वीटरमा स्टाटस लेख्दै उहाँले यस्तो चुनौति दिनुभएको छ ।
पूर्वराजा ज्ञानेन्द्र शाहले भन्नुभएको छ, “प्रत्यक्ष परोक्ष रूपमा विभिन्न भावभङ्गीमा हाम्रो परिवारमाथि हाम्रा प्रिय दाजू र वहाँको परिवारको अन्त्यका विषयमा भनिने कुराहरूले हामीलाई निक्कै मर्माहत तुल्याउने गर्दछ। जनताको मत पाएका सत्तासिन व्यक्तिहरूलाई वहाँको हत्याको छानबीन गर्ने पूर्ण अधिकार छ।”
प्रत्यक्ष/परोक्ष रूपमा विभिन्न भावभङ्गीमा हाम्रो परिवारमाथि हाम्रा प्रिय दाजू र वहाँको परिवारको अन्त्यका विषयमा भनिने कुराहरूले हामीलाई निक्कै मर्माहत तुल्याउने गर्दछ। जनताको मत पाएका सत्तासिन व्यक्तिहरूलाई वहाँको हत्याको छानबीन गर्ने पूर्ण अधिकार छ।
— G. Shah (ज्ञानेन्द्र शाह) (@GBBShah) December 29, 2020
स्वर्गीय राजा बीरेन्द्रविरविक्रम शाहदेवको जन्मजयन्तीको अवसरमा पूर्वराजा ज्ञानेन्द्रले बिहान पनि एक स्टाटस लेख्नुभएको थियो । त्यसमा पनि स्वर्गीय राजा वीरेन्द्रले छोडेर गएपछि राजसंस्था टुहुरो भएर अन्त्य हुन गएको कारुणिक अभिब्यक्ति थियो ।
हाम्रा आदरणीय दाजू बीरेन्द्र बीर बिक्रम शाहदेवको ७६औं जन्म जयन्तीका अवसरमा वहाँप्रति हार्दिक श्रध्दाञ्जलि । pic.twitter.com/YztXe7in03
— G. Shah (ज्ञानेन्द्र शाह) (@GBBShah) December 29, 2020
२०५८साल जेठ १९ गते नारायणहिटी राजदरबारमा भएको शुक्रबारे पारिवारिक भोजमा चलेको गोली काण्डमा राजा बीरेन्द्रको परिवारको वंशनास भएको थियो । उक्त भोजमा राजा बीरेन्द्र, रानी ऐश्वर्य, राजकुमारी श्रुती, कान्छा युवराज निराजन, राजाका भाई अधिराजकुमार धिरेन्द्र,राजाकी अधिराजकुमारी शारदा र शान्ति, कुमार खड्गविक्रम शाहको गोली लागेर मृत्यु भएको थियो । आफ्ना मातापिता लगायत सबैमाथि गोली प्रहार गरेको आरोप लागेका युवराज दीपेन्द्रको पनि गोली लागेर अचेत अवस्थामा नै केही दिनपछि निधन भएको थियो ।
सा गोली काण्डमा अधिराजकुमारी शोभा, पूर्वरानी कोमल राज्यलक्ष्मी देवी शाह, केतकी चेस्टर र तत्कालीन राजा विरेन्द्रका छोरी ज्वाई कुमार गोरखसमशेर राणा घाइते हुनुभएको थियो ।
संयोगको कुरा सो हत्याकाण्डमा पूवराजा ज्ञानेन्द्रका परिवारका सबै सदस्यहरु बच्न पुग्नुभएको थियो ।
https://twitter.com/Himanishah123/status/1343757257108901889
