काठमाडौं, १७ असोज । नेपाल कम्युनिष्ट पार्टी क्रान्तिकारी माओवादीका महासचिव एवम् पाका कम्युनिष्ट नेता नेपालमा जनयुद्धबाट गणतन्त्र स्थापना गर्नुपर्छ भनेर प्रस्ताव ल्याउने मोहन वैद्यले राजा फिर्ता ल्याउन र सहकार्य गर्न तयार रहेको बताउनुभएको छ ।

योहो टेलिभिजनाको सत्य संवाद कार्यक्रममा जीवराम भण्डारीसंगको अन्तरवार्तामा उहाँले कम्बोडियामा राजा नराद्दम सिंहानुकलाई फिर्ता ल्याए जस्तै नेपालमा पनि राजा फिर्ता ल्याउन सकिने बताउनुभएको छ ।

उहाँले राजा बिनाको नेपालको राजनीति देशको स्वाधीनताको हित विपरीत गएको आरोप लगाउदै त्यसको रक्षाको निमित्त राजासंग सहकार्य हुन सक्ने बताउनुभएको छ ।

उहाँले गणतन्त्रपछि आएका नेताहरु डब्बल राजा भएको र नेकपा एमालेका अध्यक्ष के.पी. ओली त सम्राट नै बन्न खोजको आरोप लगाउनुभएको छ । गणतन्त्रपछिका नेताहरु भन्दा राजा नै उचित भएको निष्कर्ष पनि निकाल्नुभएको छ ।

उहाँले पहिले भारतीयहरुले नेपालमा एउटा राजावादी शक्ति, एउटा कांग्रेस र एक बामपन्थी शक्ति रहेको बताउने गरेको पनि उल्लेख गर्नुभयो ।

उहाँले नेपाली कांग्रेसको समाजवादको पनि आलोचना गर्नुभएको छ । एमाले र माओवादीको पनि आलोचना गर्नुभएको छ । सबैलाई संसदबादी भएको र यसले समाजवाद नआउने ठोकुवा गर्नुभएको छ ।

उहाँले राजावादी शक्तिलाई दुई ढगले हेर्नुपर्ने बताउनुभएको छ । राजाले पनि कम्युनिष्टहरु खत्तम हुन भन्न नहुने र स्वाधीनताको रक्षाको सबालमा एकै ठाँउमा आउन पर्ने उल्लेख गर्नुभएको छ ।

उहाँले एमसीसीको विरोध गर्ने, कालापानी,लिपुलेक र लिम्पियाधुरा ल्याउने कुरामा एकै ठाँउमा उभिन सकिने बताउदै राजा सामन्त र पूँजीपति भए भनेर छोइछिटो गर्ने अवस्था नरहेको बरु अरु दलका नेताहरु नै सामन्त र पूँजीपति दलाल निस्केको पनि उल्लेख गर्नुभयो ।

उहाँले राजाले नरोद्दम सिंहानुक जस्तो भए वा नयाँ ढंगले जान तयार भए आफूहरुले स्वीकार्ने कुनै पूर्वाग्रह नराख्ने गर्ने उल्लेख गर्नुभएको छ । उहाँले राजाले पनि कम्युनिष्ट अवसरवादी नभएको र क्रान्तिकारी भएको स्वीकार गरेमा देशभक्त र जनपक्षीय शक्तिहरु एक भएर जान सकिने बताउनुभएको छ ।

विगतबाट धेरै पाठ सिकिएको बताउदै उहाँले अब राजतन्त्र पनि पहिलेको जस्तो नरहने र गणतन्त्रवादीहरु पनि पूर्ववत नरहेकोले नयाँ ढंगले जान सकिने बताउनु भएको हो ।

उहाँले जनयुद्ध गणतन्त्र,संघीयता र धर्म निरपेक्षताजसता केही परिवर्तन भएपनि गुणात्मक नभएको आफूहरुले र नपाली जनताले चाहेको राष्ट्रिय स्वधाीनताको रक्षा गर्ने स्वतन्त्रालार्य साँचो अर्थमा जनवाद दिने जनताको जनजीविकाको समाधान गर्ने र बैज्ञानिक समाजवाद ल्याउने यात्रा भएको साथीहरुले विश्वासघात गर्नुभएको आफूहरुले त्यसलार्य नाघेर जान नसकेको बताउनुभएको छ ।

उहाँले १२ बुँदे दिल्ली संझौताको पनि विरोध गर्नुभएको छ । उहाँले आफू र सीपी गजुरेल लगायतका नेताहरु जेलमा परेको र सो संझौताबारे थाहा नभएको बताउनुभएको छ । उहाँले त्यो संझौता नेपालको कतै बसेर गर्न सकिने पनि उल्लेख गर्नुभएको छ । उहाँले आफूहरु जेलबाट छुुट्दा शान्ति संझौताको सबै सकिएको र विरोध गर्ने ठाँउ नरहेको बताउनुभएको छ ।

उहाँले संविधान सभाबाट सबै कुरा आउने भएकोले त्यसबेला चूप लागिको पनि बताउनुभएको छ ।

उहाँले सेना समायोजन पनि असन्तुष्टि जनाउनुभएको छ ।

उहाँले एमसीसीको पनि विरोध गर्नुभएको छ । उहाँले यसलाई हिन्द प्रशान्त रणनीतिको अंगको रुपमा व्याख्या गर्दै सैनिक रणनीति अन्तरगत भएको बताउनुभएको छ । यसलाई नवउपनिवेशवादी रणनीतिको अंग भएको बताउनुभएको छ । यो नेपाली जनताको हित र राष्ट्रिय स्वाधीनता विरोधी भएको बताउनुभएको छ ।

वैद्यको अन्तरवार्ता आएपछि नेपाली कांग्रेसका नेता जेपी गुप्ताले कम्युनिष्ट र राजावादीहरुको सहकार्य ७० बर्ष अगाडिदेखि नै रहेको उल्लेख गर्दै ट्वीट गर्नु भएको छ ।

देशभक्त भनी पूर्व राजा र क्रांतिकारी कम्यूनिष्ट भनी आफुहरू बीचको नयाँ सहकार्य बारे बैद्य जीको बिचार बाहिर आएको छ। अन्तर्बस्तुगत रूपमा यहाँका क्रांतिकारी भनिने कम्यूनिष्टहरू केशरजंग रायमाझी,डिपी अधिकारी,राजेस्वर देवकोटाहरूले प्रयोग गरेको ७० बर्ष अघिको लाईन मै रूमल्लिएको देखियो।

— Jp Gupta (@JpanandaJp) October 2, 2021