लन्डन(संयुक्त अधिराज्य),२० फागुन । एनआरएन यूकेले १०८ औं अन्तर्राष्ट्रिय नारी दिवस विशेष कार्यक्रम आयोजना गरि मनाएको हो ।
नारी दिवसको अवसरमा एनआरएन यूके महिला विभागको सक्रियतामा गत शनिवार लन्डनको वुल्वीचमा अन्तरक्रिया सहित विविध कार्यक्रम को आयोजना गरियो ।
कार्यक्रममा एनआरएन निकट तथा विभिन्न संस्थाका प्रतिनिधि र बेलायतवासी महिलाहरुको सहभागिता रहेको थियो ।
कार्यक्रममा एनआरएन केन्द्रीय उपाध्यक्ष कुल आचार्य, एनआरएन यूके पूर्व अध्यक्ष महेन्द्र कंडेल, अध्यक्ष योगकुमार फगामी लगायतले नारी दिवसको शुभकामना व्यक्त गरेका थिए ।
कार्यक्रममा एनआरएन महिला विभागका सह संयोजक लिला शेलिङ सहित महिला प्रतिनिधिहरुले पनि मन्तव्य दिएका थिए ।
लोक गायिका मञ्जु विकसहित अन्य केही स्थानीय कलाकारले गीत र नृत्य सहित सास्कृतिक प्रस्तुति गरेर कार्यक्रमलाई मनोरञ्जनात्मक पनि बनाएका थिए ।
एनआरएन यूके महिला विभाग संयोजक लिलादेवी गुरुङको अध्यक्षतामा सम्पन्न कार्यक्रमलाई सह संयोजक निया देवानले संचालन गरेकि थिइन ।
