काठमाडौं, ९ जेठ । स्थानीय तह निर्वाचनको मतपरिणाम आउनेक्रम जारी छ। पछिल्लो मतपरिणाम अनुसार परिणाम ७ सय २७ वटा पालिकाको सार्वजनिक भएको छ।
जसअनुसार नेपाली कांग्रेसले सबैभन्दा बढी जित हासिल गरेको छ। यसैगरी नेकपा एमाले दोस्रोमा छ। नेकपा माओवादी केन्द्र तेस्रोमा छ।
कांग्रेसले हालसम्म १ सय ३२ मेयर र १ सय ८८ अध्यक्षसहित ३ सय २० वटा पालिकाको प्रमुख पद जितेको छ। यस्तै १ सय ४ पालिकामा उपमेयर र १ सय ८९ पालिका उपाध्यक्षसहित कुल २ सय ९३ वटा पालिकाको उपमेयर तथा उपाध्यक्ष पद जितेको छ।
यस्तै नेकपा एमालेले हालसम्म १ सय ९८ वटा पालिकाको प्रमुख जितेको छ भने २ सय २६ वटा पालिकाको उप–प्रमुख पदमा जितको छ ।
त्यस्तै नेकपा माओवादी केन्द्र १ सय २० वटा पालिकाको प्रमुखमा विजयी भएको छ भने १ सय २८ वटा पालिकाको उपप्रमुख पद जितेको छ।
जनता समाजवादी पार्टीले २९ वटा पालिकाको प्रमुख र ३० वटा पालिकाको उपप्रमुख पद जितेको छ। नेकपा एकीकृत समाजवादीले १७ वटा पालिकाको प्रमुख र २१ वटा पालिकामा उपप्रमुख पद जितेको छ।
त्यसैगरी लोकतान्त्रिक समाजवादी पार्टीले १४ वटा पालिकाको प्रमुख र १० वटा पालिकाको उपप्रमुख पद जितेको छ। राष्ट्रिय प्रजातन्त्र पार्टीले चार वटा पालिकामा प्रमुख र चारवटै पालिकामा उपप्रमुख पद जितेको छ ।
राष्ट्रिय जनमोर्चाले चार वटा पालिकाको प्रमुख र दुई वटा पालिकाको उपप्रमुख पद जितेको छ।
यस्तै रेशम चौधरी नेतृत्वको नागरिक उन्मुक्ति पार्टीले चार वटा पालिकाको प्रमुख र तीन वटा पालिकाको उपप्रमुख जितेको छ।
यस्तै, सिके राउत नेतृत्वको जनमत पार्टीले दुई वटा पालिकाको प्रमुख र एउटा पालिकाको उपप्रमुख पद जितेको छ।
नेपाल मजदुर किसान पार्टीले भक्तपुर नगरपालिकाको मेयर र उपमेयर जितेको छ।
यस्तै विवेकशील साझा पार्टीले एउटा पालिकामा प्रमुख र उपप्रमुख पद जितेको छ।
जनप्रगतिशील पार्टीले एउटा पालिकाको प्रमुख र एउटा पालिकाको उपप्रमुख पद हात पारेको छ।
१२ जना स्वतन्त्र उम्मेदवारले २ उपमहानगरसहित पालिकाको प्रमुख जित्न सफल भएका छन्। त्यस्तै ५ जना स्वतन्त्र उम्मेदवारले पालिकाको उपप्रमुख पद जितेका छन्।
अब २४ पालिकाको नतिजा आउन बाँकी छ। जसमा नेकपा एमालेले ६ वटा पालिकामा अग्रता लिएको छ भने नेपाली कांग्रेसले ५, जसपाले ३, लोसपा, माओवादी केन्द्र, एकीकृत समाजवादी र स्वतन्त्रका २ २ पालिकामा अग्रता लिएका छन्।
बाजुराको बुढीगंगा र उदयपुरको त्रियुगा नगरपालिकामा पालिकामा अझै गणना हुन सकेको छैन।
| जिल्ला | पालिका | कैफियत |
|---|---|---|
| झापा | मेची नगर नगरपालिका | नेकपा एमालेको अग्रता |
| उदयपुर | कटारी नगरपालिका | नेकपा एमालेको अग्रता |
| उदयपुर | त्रियुगा नगरपालिका | गणना हुन बाँकी |
| सिराहा | गोलबजार नगरपालिका | नेकपा एमालेको अग्रता |
| धनुषा | जनकपुरधाम उपमहानगरपालिका | स्वतन्त्र उम्मेदवारको अग्रता |
| रौतहट | गढीमाई नगरपालिका | जसपाको अग्रता |
| रौतहट | गरूडा नगरपालिका | नेकपा एमालेको अग्रता |
| रौतहट | देवाही गोनारी नगरपालिका | नेकपा एमालेको अग्रता |
| रौतहट | फतुवा विजयपुर नगरपालिका | माओवादी केन्द्रको अग्रता |
| रौतहट | बैधीमाई नगरपालिका | जसपाको अग्रता |
| रौतहट | वृन्दावन नगरपालिका | एकीकृत समाजवादीको अग्रता |
| बारा | पचरौता नगरपालिका | लोसपाको अग्रता |
| पर्सा | वीरगन्ज महानगरपालिका | जसपाको अग्रता |
| काठमाडौं | काठमाडौं महानगरपालिका | स्वतन्त्र उम्मेदवारको अग्रता |
| ललितपुर | ललितपुर महानगरपालिका | नेपाली कांग्रेसको अग्रता |
| चितवन | भरतपुर महानगरपालिका | माओवादी केन्द्रको अग्रता |
| कास्की | पोखरा महानगरपालिका | एकीकृत समाजवादीको अग्रता |
| रुपन्देही | तिलोत्तमा नगरपालिका | नेपाली कांग्रेसको अग्रता |
| रुपन्देही | लुम्बिनी सांस्कृतिक | नेपाली कांग्रेसको अग्रता |
| रुपन्देही | कोटहीमाई गाउँपालिका | लोसपाको अग्रता |
| कपिलवस्तु | महाराजगञ्ज नगरपालिका | नेपाली कांग्रेसको अग्रता |
| दाङ | तुलसीपुर उपमहानगरपालिका | नेकपा एमालेको अग्रता |
| बाजुरा | बुढीगंगा नगरपालिका | गणना हुन बाँकी |
| अछाम | साँफेबगर नगरपालिका | नेपाली कांग्रेसको अग्रता |
