कोलम्बो(श्रीलंका), २६ आषाढ(बीबीसी हिन्दी) । श्रीलंकामा जारी आर्थिक तथा राजनीतिक संकट सम्हाल्नका लागि संसदका सभामुख महिंदा यापा अभयवर्द्धना अन्तरिम राष्ट्रपति बन्नुहुने भएको छ ।
शनिबार राति सम्पन्न सर्वदलीय बैठकले उहाँलाई संविधान अनुरुप राष्ट्रपतिको कार्यभार संभालन अनुरोध गरेका थिए । उहाँले सो प्रस्ताव मान्नुभएको छ । सभामुख अभयावद्र्धनले राष्ट्रपति गोटाबाया राजपक्षेलाई यसको जानकारी दिने बताउनुभएको छ ।
सभामुख अभयबद्र्धनले राष्ट्रपत र प्रधानमंत्रीले देशको बिग्रदो राजनीतिक र आर्थिक अवस्थालाई मध्यनजर गरेर जतिसक्दो छिटो आआफ्नो पदबाट राजिनामा दिनुपर्ने बताउनुभएको छ । उहाँका अनुसार संविधान अनुसार सबै दलको सहमतिमा उहाँले केही समय अन्तरिम राष्ट्रपतिको जिम्मेवारी सम्हाल्नु हुनेछ । स्थिति सामान्य भएपछि निर्वाचित राष्ट्रपतिलाई पद हस्तान्तरण गर्नुहुनेछ ।
At Speaker’s Residence urgent Party Leader’s meeting. Several other Leaders including PM, AKD and Sumanthiran participated via zoom. Decision to ask both President and PM to resign. Speaker to take over as temporary President according to constitution. pic.twitter.com/RyauaIvCei
— Rauff Hakeem (@Rauff_Hakeem) July 9, 2022
राजापक्षको राजिनामा बुधबार आउने
यसै बीच श्रीलंकाका राष्ट्रपति राजापाक्षले आफूले आगामी बुधबार(१३ जुलाई)का दिन राजिनामा दिने सन्देश पठाउनुभएको छ ।
सभामुख तथा प्रस्तावित अन्तरिम राष्ट्रपति महिंदा यापा अभयवर्द्धनाले यसको जानकारी दिनुभएको हो ।
प्रधानमंत्री रनिल विक्रमसिंघेले पनि आफू पदबाट राजिनामा दिन तयार रहेको बताउनुभएको थियो ।
शनिवार राजधानी कोलम्बोमा भएको विशाल विरोध प्रदर्शनका सहभागीहरुले राष्ट्रपति निवास कब्जा गरेका थिए । त्यही विशाल विरोध प्रदर्शनका सहभागी प्रदर्शनकारीहरु मध्ये प्रधानमन्त्री विक्रमसिंघेको निवासमा घुसेकाहरुले उहाँको निवासमा आगजनी गरेका थिए ।
राजापक्षको फिर्ता असंभव
पूर्वराष्ट्रपति चन्द्रिका कुमारातुंगाका एक सल्लाहकार राम मणिक्कलिंगमका अनुसार अब सत्तामा उहाँको फिर्तीको संभावना लगभग शून्य भएको छ । फर्कने कुनै बाटो बाँकी रहेको छैन। चंद्रिका कुमारतुंगा सन १९९४ देखि २००५सम्म श्रीलंकाकाको राष्ट्रपति हुनुहुन्थ्यो।
उहाँले राष्ट्रपति राजापाक्ष राजधानी कोलम्बोको एक उपनगरीय क्षेत्रको एक सैन्य शिविरमा लुक्नुभएको र यो निर्णायक मोडमा फर्कने संभावना नभएको बताउनुभएको छ ।
उहाँले राजपक्षको राजनीति सदाको लागि समाप्त भएको र सत्तामा बसेर भ्रष्टाचार गर्ने राजनीतिक नेताहरुको पनि अन्त्य हुने समय आएको बताउनुभयो ।
यसैबीच श्रीलंकाको विपक्षी पार्टीका नेता सांसद हर्ष डी सिल्भाले शनिवारको सर्वदलीय बैठकमा राष्ट्रपति और प्रधानमंत्रीले तुरुन्त राजिनामा दिनुपर्ने सहमति कायम भएको बताउनुभएको छ ।
उहाँले संविधान अनुरुप सभामुख ३० दिनसम्म अन्तरिम राष्ट्रपतिको जिम्मेवारी सम्हाल्ने र एक सर्वदलीय अन्तरिम सरकार स्थापना गरेर यथाशीघ्र निर्वाचन गर्नेमा पनि सहमति भएको बताउनुभयो ।
सांसद शिल्भाले भन्नुभएको छ कि संसदले गोप्य मतदानको माध्यमबाट २४ नोभेम्बरसम्म नयाँ राष्ट्रपतिको निर्वाचन गर्नुपर्नेछ ।
