काठमाडौ, ९ श्रावण। मौद्रिक नीति सार्वजनिक भएपछिको दास्रो कारोबार दिन पनि नेपालको शेयर बजार उकालो लागेको छ।

आइतबार ६१.०५ अंकले बढेको बजारमा सोमबार समेत आकर्षण देखियो । सोमबार ५४.४५ अंकले बढेको बजार २१३२।९६ बिन्दुमा पुगेर रोकिएको छ ।आइतबार र सोमबार गरी दुई दिनमा सेयर बजार ११५.५ अंकले वृद्धि भएको छ ।

कारोबार रकम समेत आइतबारको तुलनामा उल्लेख्य बढेको छ । सोमबार कुल २ सय १४ कम्पनीको ६४ हजार २ सय ३१ कित्ता सेयरको खरिदविक्रीबाट ४ अर्ब १० करोड ६८ लाख १८ हजार ९ सय ४१ रुपैयाँको कारोबार भएको छ ।

सोमबार नेपाल स्टक एक्सचेञ्जमा सूचीकृत भई वर्गीकरणमा परेका कम्पनीहरु मध्ये १३ वटा उपसमूहको उपपरिसूचक बढेका छन्।