शीतल निवास(काठमाडौं),५ चैत्र । दोस्रो कार्यकालका लागि उपराष्ट्रपतिमा पुन निर्वाचित भएका नन्दबहादुर पुनले राष्ट्रपति विद्यादेवी भण्डारीबाट पद तथा गोपनीयताको शपथ लिएका छन् ।
राष्ट्रपति भवन शीतलनिवासमा आयोजित विशेष कार्यक्रममा उपराष्ट्रपति पुनलाई राष्ट्रपति विद्यादेवी भण्डारीले शपथ ग्रहण गराएकी थिइन् ।
सपथ ग्रहण समारोहमा प्रधानमन्त्री केपी शर्मा ओली, सभामुख कृष्णबहादुर महरा, राष्ट्रियसभाका अध्यक्ष गणेश तिम्सिना, कायम मुकायम प्रधानन्यायाधीश दीपकराज जोशी, मन्त्रीहरु, संवैधानिक निकायका प्रमुखहरु, सुरक्षा निकायका प्रमुखहरु, सांसद लगायतको उपस्थिति थियो ।
उपराष्ट्रपति पुन आइतबार उपराष्ट्रपति पदमा दोस्रो कार्यकालको लागि निर्विरोध निर्वाचित भएका थिए ।
