सानेपा(ललितपुर), २८ श्रावण । नेपाली कांग्रेसको केन्द्रीय कार्य सम्पादन समितिको बैठक आज बस्दैछ।
सभापति शेरबहादुर देउवाले शनिवार बिहान ९ बजे सानेपास्थित केन्द्रीय कार्यालयमा बस्ने गरी बैठक बोलाउनुभएको छ।
पार्टी प्रवक्ता डा. प्रकाशशरण महतले आगामी मंसिर ४ गते हुने निर्वाचन प्रयोजनका लागि दल दर्ताको निर्णय गर्न बैठक बोलाइएको जानकारी दिनुभएको छ।
उहाँले बैठकमा दल दर्ताको निर्णयसँगै आगामी निर्वाचन तयारी, भदौ २ देखि २४ गतेसम्म देशव्यापी सञ्चालन हुने जागरण अभियान, साउन ३० र ३१ गते हुने जनप्रतिनिधिको प्रशिक्षणको विषयमा समेत छलफल हुने बताउनुभएको छ ।
