काठमाडौं, २८ भाद्र । महाअभियोग सिफारिस समितिले निलम्बित प्रधानन्यायाधीश चोलेन्द्र शमशेर जबरासँग बयान सकेको छ ।
महाभियोग प्रस्ताव दर्ता भएसँगै प्रधानन्यायाधीशबाट निलम्बनमा पर्नुभएका जबरासँग १५ भदौबाट प्रतिनिधिसभाअन्तर्गतको महाअभियोग सिफारिस समितिले बयान लिएको हो ।
जबरासँग बयान लिन समितिले ४३ वटा प्रश्न तयार गरेको थियो ।
जबरालाई समितिले विभिन्न विषयमा ४३ वटा प्रश्न सोधेको समिति सदस्य कृष्णभक्त पोखरेलले जानकारी दिनुभयो। पोखरेलका अनुसार राणाको बयानमा प्रतिप्रश्न गर्न समितिले उनलाई फेरि बोलाउने छ।
मंगलबार ८ वटा प्रश्नको जवाफ लिएसँगै समितिले जबरासँगको बयान सकेको हो ।
पाँच दिन दिएको बयानका क्रममा निलम्बित प्रधानन्यायाधीश जबराले आफूमाथि लगाइएको महाअभियोग प्रस्तावको औचित्य नै सकेको दाबी गर्नुभयो । उहाँले समितिले सोधेका प्रश्नहरुको जवाफ दिंदा सर्वोच्च अदालतका न्यायाधीश, अधिवक्ता, राजनीतिज्ञमाथि विभिन्न आरोपहरु लगाउनुभएको छ ।
उहाँले आरोपित गर्नुभएका व्यक्तिहरुलाई पनि समितिले छलफलका लागि बोलाउने समितिले निर्णय गरेको छ ।
