काठमाडौं, १८ पौष । नेपालको शेयरबजार आज पनि दोहोरो अंकले बढेको छ।
अंग्रेजी नयाँ बर्ष तथा साताको दोस्रो दिन नेपाल स्टक एक्सचेन्जका अनुसार नेप्से १७.५६ अंकले बढेर २०६३.८३ विन्दुमा पुगेको हो।
सोमबार २ सय ५३ कम्पनीको ८२ लाख ७१ हजार ३ सय ५ ५ कित्ता शेयरको खरिद बिक्रीबात २ अर्ब ९६ करोडको कारोबार भएको हो।
आज १ सय ६५ कम्पनीको सेयर मूल्य बढेको छ भने ३९ वटाको घटेको र ७ वटाको मूल्य स्थिर रहेको छ।
यस दिन नेपाल स्टक एक्सचेञ्जमा सूचीकृत भई वर्गीकरणमा परेका १३ उपसमूहमध्ये १० उपसमूहको परिसूचक बढेको छ भने ३ उपसमूहको परिसूचक घटेको छ।
| Symbol | Current | Chng | Chng % |
|---|---|---|---|
| Banking SubIndex | 1,386.83 | 14.30 | 1.04 |
| Development Bank Index | 3,660.23 | 62.78 | 1.74 |
| Finance Index | 1,732.73 | 21.00 | 1.23 |
| Hotels And Tourism Index | 2,967.55 | 82.00 | 2.84 |
| HydroPower Index | 2,294.62 | 34.43 | 1.52 |
| Investment Index | 62.81 | 0.14 | 0.23 |
| Life Insurance | 10,436.13 | 54.24 | 0.52 |
| Manufacturing And Processing | 5,200.22 | -37.37 | -0.71 |
| Microfinance Index | 4,564.07 | 48.92 | 1.08 |
| Mutual Fund | 13.69 | -0.08 | -0.62 |
| Non Life Insurance | 8,715.41 | 258.58 | 3.06 |
| Others Index | 1,551.42 | -27.50 | -1.74 |
| Trading Index | 2,024.54 | 68.92 | 3.52 |
यस दिन व्यापार उपसमूहको परिसूचक सर्वाधिक ३.५२ प्रतिशत बढेको छ। त्यसैगरी, यस दिन निर्जीवन बीमा उपसमूहको परिसूचक ३ प्रतिशतभन्दा बढी बढेको छ भने होटल तथा पर्यटन उपसमूहको करिब ३ प्रतिशत बढेको छ। यस दिन उत्पादन तथा प्रशोधन, म्युचुअल फण्ड र अन्य उपसमूहको परिसूचक घटेको हो ।
आज बढेको बजारमा धौलागिरि लघुवित्तका शेयरधनीले धेरै कमाएका छन्। कम्पनीको मूल्य १० प्रतिशतले बढ्दा उनीहरुले प्रतिकित्ता ११५ रुपैयाँ कमाएका हुन्।
यसबाहेक सृजनशील लघुवित्तका सेयरधनीले १९४.१०, खप्तडका सेयरधनीले ९५.९०, अजोड इन्स्योरेन्सका सेयरधनीले ४६.५० र प्रभु इन्स्योरेन्सका सेयरधनीले ४४.४० रुपैयाँ प्रतिकित्ता आम्दानी गरेका छन्। अन्य शेयर मूल्य बढेका कम्पनीहरुमा युनाइटेड इदीमर्दी हाइड्रो, दोर्दी, युनाइटेड इन्स्योरेन्स, बुद्धभूमि हाइड्रो र सिंगटी इनर्जी रहेका छन् ।
Top Gainers
| Symbol | LTP | Pt. Change | % Change |
|---|---|---|---|
| DLBS | 1,265.20 | 115.00 | 10.00 |
| SHLB | 2,135.70 | 194.10 | 10.00 |
| KLBS | 1,055.70 | 95.90 | 9.99 |
| AIL | 512.50 | 46.50 | 9.98 |
| PRIN | 538.00 | 44.40 | 9.00 |
| UMRH | 471.00 | 37.00 | 8.53 |
| DORDI | 282.00 | 22.00 | 8.46 |
| UIC | 424.00 | 31.00 | 7.89 |
| BNHC | 389.00 | 27.00 | 7.46 |
| SHEL | 262.00 | 17.80 | 7.29 |
आज बढेको बजारमा पनि केही कम्पनीका शेयर धनीको शेयर मूल्य भने घटेको छ । यसरी मूल्य गुमाउने कम्पनीहरुमा एनएमबी ५०, नेपाल दूरसञ्चार, एनआईबी डिबेञ्चर २०८२, नेपाल बैंक लिमिटेड डिबेञ्चर २०८७, तेह्रथुम पावर कम्पनी,हिमालयन बैंक, लक्ष्मी लघुवित्त, बोटलर्स नेपाल तराई र जानकी फाइनान्स छन् ।
Top Losers
| Symbol | LTP | Pt. Change | % Change |
|---|---|---|---|
| NMB50 | 8.93 | -0.45 | -4.80 |
| NTC | 885.00 | -37.00 | -4.01 |
| NIBD2082 | 912.40 | -37.60 | -3.96 |
| NBLD87 | 760.00 | -20.00 | -2.56 |
| TPC | 394.00 | -9.90 | -2.45 |
| HBL | 331.00 | -7.06 | -2.09 |
| LLBS | 1,121.00 | -23.70 | -2.07 |
| BNT | 14,469.00 | -301.00 | -2.04 |
| JFL | 435.00 | -9.00 | -2.03 |
| NEF | 8.38 | -0.17 | -1.99 |
सोमबार सर्वाधिक कारोबार भने नबिल बैंकको भएको छ। प्रतिकित्ता ७ सय ३९ रुपैयाँ अन्तिम मूल्यमा बैंकको १६ करोडको सेयर कारोबार भएको हो।
त्यसैगरी, यस दिन हिमालयन डिष्टिलरीको १६ करोडभन्दा बढीको शेयर कारोबार भएको छ भने एनआईसी एशियाको ११ करोडभन्दा बढीको शेयर खरिदबिक्री भएको छ। अन्य अधिक कारोबार गर्ने कम्पनीहरुमा नेपाल टेलिकम ,युनिभर्सल पावर कम्पनी ,सिभिल बैंक नेपाल पुनर्बीमा कम्पनी,गोर्खा फाइनान्स र रिडी हाइड्रो पावर रहेका छन् ।
