काठमाडौँ, ४ माघ । नेपाली काँग्रेसको पदाधिकारी बैठक सुरु भएको छ । बैठक पार्टी सभापति शेरबहादुर देउवाको निवास धुम्बाराहीमा बसेको छ ।
महामन्त्री विश्वप्रकाश शर्माले आजको बैठकमा सभामुखको निर्वाचन तयारीको विषयमा छलफल हुने बताउनुभएको छ ।
संसदमा आज सभामुखमा मनोनयन दर्ता गर्ने कार्यसूची छ । सभामुखको उम्मेदवार कसलाई उठाउने भन्ने बारेमा काँग्रेस पदाधिकारी बैठक बसेको हो ।
काँग्रेसले सभामुखको उम्मेदवार तय गरिसकेको छैन । बैठकमा पार्टीले उम्मेदवारी नदिएको खण्डमा पनि कसलाई समर्थन गर्ने भन्ने बारेमा छलफल हुनेछ ।
