काठमाडौं, २८ चैत्र । नवनियुक्त प्रहरी महानिरीक्षक सर्वेन्द्र खनालले नेपाल प्रहरीको छवि अझ उज्ज्वल बनाउने बताएका छन् ।
निवर्तमान प्रहरी प्रमुख प्रकाश अर्यालसहितका बुधबारदेखि अवकाश पाएका प्रहरी उच्च अधिकारीहरुको विदाइ कार्यक्रममा खनालले भने,’प्राप्त स्रोत साधनको अधिकतम प्रयोग गर्दै प्रहरीको छवि अझ उज्ज्वल बनाइने छ ।’
नवनियुक्त प्रहरी प्रमुख खनालले आफूलाई दिएको जिम्मेवारीप्रति सरकार, प्रधानमन्त्री, गृहमन्त्री र प्रहरी प्रमुखप्रति आभार पनि प्रकट गरे ।
उनले सरकार र जनताको अपेक्षा रीतपूर्वक पूरा गर्न कुनै कसर बाँकी नराख्ने बताएका छन् ।
उनले अघि भने, ‘जुन अपेक्षा राखेर जिम्मेवारी दिइएको छ, त्यसलाई पुरा गर्न कुनै असर बाँकी राख्ने छैनौं ।’
