तानसेन(पाल्पा), २२ असोज । कुमारी क्यापिटलले “विश्वलगानी सप्ताह २०२३” को अवसरमा विशेष लगानीकर्ता सचेतना कार्यक्रम सम्पन्न गरेको छ ।
स्थानीय लगानीकर्तामा वित्तीय साक्षरता प्रबद्र्धन गर्न आयोजित सो कार्यक्रममा नेपाल धितोपत्रबोर्ड (सेबोन)का तर्फबाट बसन्त रसाइली, कुमारी क्यापिटलका इन्भेष्टमेन्ट बैंकिङका प्रमुख मिनशाक्य र कुमारी क्यापिटलका मर्चेन्ट बैंकिङका प्रमुख सविन बुढाथोकीले पूँजीबजार लगानी र प्रतिफलको बारेमा जानकारी दिनुभएको थियो ।
पाल्पाको तानसेनमा बसोबास गर्ने स्थानीय लगानीकर्तालाई सेयर बजारमा सहभागिता जनाउन र लगानीसम्बन्धी जानकारीका निर्णय गर्नका सम्भावित फाइदाबारे जानकारी गराउने उद्देश्यले पाल्पास्थित कुमारी बैंक, पाल्पा, तानसेन शाखासँगको सहकार्यमा लगानीकर्ता सचेतना कार्यक्रम आयोजना गरिएको थियो ।
सेबोनको प्रतिनिधित्व गर्दै बसन्त रसाइलीले आफ्नो सम्बोधनमा नियामक अनुपालन र जिम्मेवार लगानीको महत्वमा जोड दिनुभयो । उहाँले नेपालको धितोपत्रबजारलाई नियन्त्रण गर्ने नियामक ढाँचामा अन्तर्दृष्टि प्रदान गरे र सहभागीहरूलाई सेबोनले तोकेका दिशानिर्देशहरूको पालनागर्दै लगानीका अवसरहरू खोज्न प्रोत्साहित गर्नुभएको थियो।
कुमारी क्यापिटलका इन्भेष्टमेन्ट बैंकिङका प्रमुख मिन शाक्यले सेयर बजारको लगानी रणनीतिबारे बहुमूल्य अन्तर्दृष्टि साझा गर्नुका साथै धितोपत्रमा लगानी गर्दा हुने दीर्घकालीन फाइदाहरूबारे चर्चा गर्नुभयो। उहाँले सफल लगानी पोर्टफोलियो निर्माणमा अनुसन्धान, जोखिम व्यवस्थापन र विविधीकरणको महत्वलाई प्रकाश पार्नुभएको थियो ।
लगानीकर्ता सचेतना कार्यक्रममा स्थानीय लगानीकर्ताहरूको सक्रिय सहभागिता थियो । लगानीकर्ताहरुले उत्सुकतापूर्वक छलफलमा भाग लिई शेयर बजारमा लगानीको बारेमा प्रश्नहरू राख्नुभएको थियो ।
