म्यानहटन, न्यूयोर्क(संयुक्त राज्य अमेरिका) । अमेरिकामा रहेका नेपालीलाई एकत्रित गर्ने,जन्मभूमि नेपालको बारेमा सोच्न लगाउने र अमेरिकावासीलाई नेपालको सम्बन्धमा चिनाउने उद्देश्यले आइतबार न्यूयोर्कको मुटु म्यानहटनमा नेपाल परेड डे सम्पन्न भएको छ ।
परेड डे मा अमेरिकामा कार्यरत विभिन्न नेपाली संघ संस्थाको सहभागिता थियो ।
व्यानर सहित निस्किएको जुलुसमा सहभागीहरुले नेपाली राष्टिय झण्डा र नेपाललाई चिनाउने विभिन्न व्यानर तथा प्लेकार्ड बोकेका थिए ।
जुलुसमा नेपालको विभिन्न सांस्कृतिक तथा जातीय पोशाक सहितको झाँकी पनि प्रदर्शन गरिएको थियो ।
