जोहानेसबर्ग, दक्षिणअफ्रिका, ५ असार (रासस/एएफपी) : दक्षिण अफ्रिकी नेता सिरिल रामाफोसाले बुधबार प्रिटोरियामा आयोजना हुने एक समारोहबीच राष्ट्रपतिको रूपमा नयाँ कार्यकालको शपथ लिनु भएको छ ।
उहाँले आजै संवैधानिक अदालतको प्रमुख तथा प्रधान न्यायाधीश रेमण्ड जोन्डोसँग पद तथा गोपनियताको शपथ लिनु भएको हो । उहाँले बुधबार नै उद्घाटन सम्बोधन गर्नुभयो।
मे २९ को आम चुनावपछि संसदबाट रामाफोसालाई पुनः निर्वाचित भएसँगै उहाँले तेस्रो पटक पुन ः राष्ट्रपतिको रूपमा सपथ ग्रहण गर्ने अवसर पाउनुभएको हो । अफ्रिकी राष्ट्रिय काङ्ग्रेस (एएनसी) ले एकल बहुमत ल्याउन असफल भएपछि सरकारका लागि ‘डेमोक्र्याटिक अलायन्स(डिए)’ र जुलु राष्ट्रवादी ‘इन्काथा फ्रिडम पार्टी’ सँग नयाँ गठबन्धनको सम्झौता गरेको हो ।
फेरि एकपटक यस राष्ट्रको सेवा गर्नु एउटा सुअवसर र खुशीको कुरा हुनेछ रामाफोसाले गत शुक्रबार निर्बाचित भएपछि भन्नुभएको थियो ।
उहाँले बुधबार संसद सदस्य, धर्मगुरू र आमन्त्रित स्वदेशी तथा विदेशी अतिथिको अगाडि युनियन भवनमा आफ्नो दोस्रो पाँच वर्षे कार्यकालको औपचारिक उद्घाटन गर्नु हुनेछ ।
राष्ट्रपतिले लगभग सपथ ग्रहणमा छिमेकका २० राष्ट्र र सरकार प्रमुखहरू उपस्थित हुने अपेक्षा गरिएको थियो ।
