मस्को(रुस), १३ असार । सन् २०१४ को फुटबल विश्वकप विजेता जर्मनीलाई एशियाली राष्ट कोरियाले पहिलो चरणबाटै घर फर्कन बाध्य पारिदिएको छ ।
बुधबार राती भएको समूह चरणको अन्तिम खेलमा दक्षिण कोरियासँग २-० ले पराजित हुँदै जर्मनी बाहिरिएको हो।
नकआउट चरणमा जान जर्मनीलाई जीत आवश्यक थियो तर उसले एक गोल पनि गर्न सकेन।
कोरियाका लागि किम योङगउन र सोन हेउनमिनले गोल गरेका थिए।
दुवै गोल निर्धारित समय सकिएपछि थपिएको समयमा भएका थिए ।
त्यसैले जर्मनीले जवाफ फर्काउने लयमा आफूलाई लैजान सकेन ।
समूह ‘एफ’बाट मेक्सिको र स्वीडेन ६- ६ अंक सहित नकआउट चरणमा प्रवेश गरेका छन् ।
यो समूहबाट कोरिया र जर्मनी घर फर्केका छन् ।
