काठमाडौं, १९ चैत्र । महिला टी २० विश्व कपको एसिया छनोटका लागि चयन भएका नेपाली खेलाडीहरुको बन्द प्रशिक्षण आजबाट सुरु हुँदै छ ।
नेपाल क्रिकेट संघ(क्यान)ले आइतवार बन्द प्रशिक्षणमा सहभागी रहने २८ खेलाडीको नाम घोषणा गरेको थियो ।
एसिया छनोट मे मा थाइल्यान्डमा आयोजना हुनेछ ।
आइसीसी महिला टी २० विश्वकप एसिया छनोटका लागि नेपालले भारतीय प्रशिक्षक मनिषकुमार झालाई नेपाली महिला राष्ट्रिय क्रिकेट टोलीको कन्सल्ट्यान्ट प्रशिक्षकमा नियुक्त गरेको छ । बन्द प्रशिक्षण आजबाट सुरु हुनेछ ।
नेपाल क्रिकेट संघले बन्द प्रशिक्षणमा चयन गरेका खेलाडीहरुमा कप्तान इन्दु बर्मा , पूर्वकप्तानरुविना क्षेत्री , बिन्दु रावल, एलिसा कुमारी यादव, साना प्रवीण, राजमती ऐरि, रोमा थापा, कविता कुँवर, ईश्वरी विष्ट, पूजा महतो, कविता जोशी, मनीषा कुमारी उपाध्याय, सबनम राई, सिमाना के सी, रचना कुमारी चौधरी, सम्झना कुमारी खड़का, रिया शर्मा, रुवी पोद्दार, सीता राना मगर, यशोदा विष्ट, अनु कडायत, मनीषा बोहरा, लक्ष्मी साउद, हेलिसा गुरुङ, काजल श्रेष्ठ, सोमु विष्ट, सङ्गीता राई र एलिसा खडिया रहेका छन् ।
