काठमाडौँ, २३ भदौ। नेपाली सेनाले खुला तथा समावेशी रुपमा पदपूर्ति गर्नेगरि एकैपटक २ सय अधिकृत माग गरेको छ।
इच्छुक र योग्य उम्मेदवारले असोज १९ गतेसम्म दरखास्त पेस गर्न सक्नेछन् । दोब्बर दस्तुरमा असोज २६ गतेसम्म दरखास्त दिन सकिनेछ।
खुला तथा समावेशी रुपमा हुने पदपूर्तिमा खुलातर्फ ११० जनाको कोटा निर्धारण गरिएको छ। यस्तै, समावेशी अन्तर्गत महिला १८, आदिवासी जनजाति २९, मधेशी २५, दलित १४, पिछडिएको क्षेत्रका लागि ४ जनाको कोटा निर्धारण गरिएको छ।
न्युनतम प्रवीणता प्रमाणपत्र वा सो सरह अध्ययन गरेका उम्मेदवरको हकमा १८ वर्ष पूरा भई २१ वर्ष ननाघेको हुनु पर्नेछ। स्नातक उत्तीर्ण उम्मेदवारको हकमा १८ वर्ष पूरा भई २४ वर्ष ननाघेको हुनु पर्नेछ।
नेपाली सेनाको भर्ना छनोट निर्देशनालय भद्रकाली र सबै क्षेत्रीय पृतनाहरुमा दरखास्त दिन सकिनेछ।
हेर्नुहोस विज्ञापन :
