सानो ठिमी(भक्तपुर), २६ फागुन । शिक्षक सेवा आयोगले निम्न माध्यमिक तहमा अध्यापनरत अस्थायी शिक्षकबाट स्थायी हुन परीक्षा दिएका मध्ये सामाजिक विषयका शिक्षकहरुको अन्तिम नतिजा प्रकाशन गरेको छ ।

आयोगको फागुन २५ गते बसेको बैठकले सामाजिक विषयका शिक्षकहरुको नामावली प्रकाशन गर्ने निर्णय गरेको हो ।

आयोगले २०७५ आषाढ २९ गते लिएको लिखित परीक्षा र त्यसमा पास भएका शिक्षकहरुको अन्तरवार्ताको प्राप्तांकका आधारमा कायम हुन आएको योग्यताक्रमका आधारमा स्थायी शिक्षकको नामावली प्रकाशित भएको जनाएको छ ।

आयोगले यस अगाडि निम्नमाध्यमिक तहकाकम्प्युटर, कम्प्युटर-गणित, गणित, विज्ञान, विज्ञान -गणित, नेपाली र अंग्रेजी विषयका शिक्षकहरुको नामावली प्रकाशित गरिसकेको छ ।

निम्न माध्यमिक तहको सामाजिक विषयमा स्थायी हुने शिक्षकको नामावली हेर्न तल क्लिक गर्नुहोस् :

http://tsc.gov.np/doc/15521852911.%20Nirnaya%20_Social%20_0751125%20-.pdf